राजपा अध्यक्ष मण्डलको संयोजक भण्डारी

यसअघि नेताहरू महन्थ ठाकुर र राजेन्द्र महतो राजपाको संयोजक भइसकेका छन् । २०७४ वैशाखमा तराई-मधेसकेन्द्रित ६ पार्टी मिलेर राजपा गठन भएको थियो । पार्टी एकता भएपछि डेढ वर्षभन्दा बढी समय महन्थ ठाकुर संयोजक भएका थिए । त्यसपछि विधान संशोधन गरी चक्रीय प्रणालीमा दुई/दुई महिनामा संयोजक परिवर्तन हुने व्यवस्था गरिएको हो ।

राजपाको महाधिवेशन आगामी वैशाखको पहिलो साता गर्ने तिथि तय गरिएको छ । घोषित तिथिमै महाधिवेशन भयो भने अध्यक्ष मण्डलका सदस्य अनिल झा र राजकिशोर यादवले संयोजक बन्ने अवसर पाउने छैनन् ।