सेती अञ्चल अस्पतालमा तनाव

धनगढी उप-महानगरपालिका जुगेडा सी गाउँकी २० वर्षीया रेखा थापाको सुत्केरी गराउने क्रममा चिकित्सकको लापरवाहीले मृत्यु भएको मृतक रेखाका श्रीमान जयबहादुर थापाले बताए । 'सामान्य अवस्थामा रहेकी रेखालाई चैत ३ गते अस्पताल भर्ना गरेका हौं । सुरुमा नर्मल छ भने । दोस्रो दिन विहान एकाएक शल्यक्रिया गर्नुपर्छ भने । हामीले हुन्छ भन्यौं,' जयबहादुर थापाले भने, 'अप्रेशनपछि उनको अवस्था बिग्रँदै गएको थियो तर पनि डाक्टरहरुले सामान्य छ भन्दै गए । बिहीबार अन्तिम अवस्थामा मात्रै कोहलपुर लैजाउ, यहाँ हुँदैन भने ।'

कोहलपुर लैजाने क्रममा उनको बाटोमै मृत्यु भएपछि सेती अञ्चल अस्पतालमा चिकित्सकले लापरवाही गरेको आफन्तले आरोप लगाएका हुन् । अस्पतालमा सर्वपक्षीय बैठक बसिरहेको छ ।