अख्तियारलाई दिएको बयानमा पूर्व आयुक्त पाठकले के भने ?
काठमाडौँ — भ्रष्टाचारको उजुरीमाथि छानबिन र अनुसन्धान गर्ने काम अनुसन्धान अधिकृतको हो, त्यसमा एक्लो आयुक्तको कुनै भूमिका हुँदैन । समाचारमा प्रकाशित विषयवस्तु झुठा हुन् । कान्तिपुर दैनिकमा प्रकाशित समाचारमा लम्बोदर न्यौपानेले कुनै लेनदेन नगरेको उल्लेख गर्नुभएको छ ।
शुभनारायण पाठक मेरो भाइ हो । ज्ञानेन्द्र झालाई पहिलेदेखि चिन्दथें । ध्वजमान मोक्तानलाई मेरो कार्यकक्षमा आएपछि चिनेको हुँ । उसले मेरो कार्यकक्षमा आइ पैसाको बार्गेनिङ गर्दथ्यो । त्यसलाई छल्न मैले विभिन्न बाहना गरेको हुँ । त्यसका लागि मैले असान्दर्भिक कुराहरु गरी विषयान्तर गर्दथें । उसँग कुनै खास कुराको विषयमा डिल भएको थिएन ।
जहाँसम्म भिडियो संवादको सवाल छ, आधुनिक प्रविधिको दुरुपयोग गरी ब्ल्यामेलिङ गर्ने उद्देश्यले मेरो फोटो र नानाथरीको संवाद गरी मेरो भिडियो खिचेको हो । यिनै विषयलाई लिएर ऊ मेरो घरमा समेत आएको थियो । गोप्य रुपमा भिडियो खिचेको याद पनि थिएन ।
राजनारायण फसे भने ज्ञानेन्द्र पनि फस्छ भनेको हो । अरु गल्ती हुँदैन भन्यौं । अनधिकृत रुपमा खिचिएको भिडियोमा जो पनि फस्नसक्छ भनेको हो । जो कोहीलाई पनि मेरो आवास कार्यकक्षमा पस्न दिनु मेरो गल्ती भएको हुँदा गफ गर्ने क्रममा केही हाउभाउ गरेको हो । मैले ७८ लाख रुपैयाँ लिएको भन्ने कुरा सरासर गलत हो ।
यो पनि पढ्नुहोस् :
- अख्तियारद्वारा पूर्व आयुक्त पाठकलाई ११ वर्ष र घुस दिने न्यौपानेलाई ८ वर्ष कैद माग
- अख्तियार आयुक्त पाठकले घुस लिएको खुलासा
- अख्तियार आयुक्त राजनारायण पाठकद्वारा राष्ट्रपतिसमक्ष राजीनामा, महाअभियोग तयारी स्थागित
- अख्तियार आयुक्त पाठकको घूस प्रकरण : कार्यालय अख्तियार, अखडा तीनकुने, उच्च पदस्थहरू ४ महिनादेखि गुपचुप
- पाठकमाथि छानबिन सुरु भइसकेको छ : प्रमुख आयुक्त
- इन्जिनियरिङ कलेज अनियमितता : दुई वर्षमा ९ निकायसँग सेटिङ
- ९० करोडको अनियमितता लुकाउन पाठकलाई ७८ लाख घूस