बारा, पर्साका हुरीपीडितको झन् विचल्ली
काठमाडौँ — हावाहुरीसँगै असिनापानी परेपछि बारा, पर्साका हुरीपीडितको झन् विचल्ली भएको छ । पानी, असिनाका कारण राहत वितरण प्रभावित भएको छ । पीडितहरु ओत लाग्ने ठाउँको खोजीमा भौतारिरहेका छन् ।
केही स्थानमा खेतमै टेन्ट हालिएकोले डुबानको समस्यासमेत उत्पन्न भएको स्थानीय प्रहरीले जनाएको छ ।
मौसम गडबडीका कारण जिल्ला विपद् व्यवस्थापन समितिको बैठकसमेत बस्न नसकेको फेटा गाउँपालिका अध्यक्ष अमिरीलाल प्रसादले जानकारी दिए ।
गत आइतबार रातिको हुरीबतासका कारण बारा, पर्साका २९ जनाको मृत्यु, करिब ६ सय घाइते र दुई हजार जति घरमा क्षति पुगेको थियो । बनेका थिए । जसमा करिब एक हजार पूर्ण र बाँकी अर्धक्षति पुगेको थियो । स्थानीय प्रशासन र विभिन्न संघ संस्थाको पहलमा झन्डै ६ सय टेन्ट पुगेको छ ।
प्रतिक्रिया
