सत्ता बाहिर रहेका कम्युनिस्टलाई एक हुन वैद्यको आग्रह 

'समय एकै किसिमको हुँदैन, समय अनुसार चुनावलाई कहिले उपयोग र कहिले बहिष्कार गर्नुपर्छ' देशभक्त जनगणतान्त्रिक मोर्चाको प्रथम अधिवेशनको उद्घाटन गर्दै उनले भने, 'आवश्यक परे चुनावलाई उपयोग गर्नुपर्छ, आवश्यकता नभए बहिष्कार गर्नुपर्छ, त्यसै सबैले एक स्थानमा आउनुपर्छ, यो समयको माग हो ।' विप्लव, सिंह किराँतीलाई व्यक्तिगत रूपमा भेटेर भए पनि उनले पार्टी एकीकरण अभियानलाई अघि सार्ने बताए ।

चन्द समूहमाथिको प्रतिबन्ध, सिके राउतसँगको ११ बुँदे सम्झौता र राजपाको सांसद रेसम चौधरीलाई आजीवन कारावासको सजाय अमेरिकन सामराज्यवादको निर्देशन भएको उनले आरोप लगाए । सरकारले बाह्य शक्तिको निर्देशन पालना गनर्ुुपर्ने अवस्था भएको भन्दै उनले सबै गतिविधि सरकारको नियन्त्रण भन्दा बाहिर रहेको दाबी गरे ।

सरकारले घोषणा गरेको 'सम्वृद्धि र विकास' को नारा सफल नहुने भन्दै उनले प्रधानमन्त्री केपी शर्मा ओलीले गफमात्र भएको बताए । 'जनतालाई झुक्याएर केही पनि हुँदैन' उनले भने, 'जनतासमक्ष सरकार पुग्न नै सकेको छैन ।'