विमर्श मञ्च 'सगरमाथा डायलग' गठन गरिँदै

परराष्ट्र स्रोतका अनुसार, 'समसामयिक र हाम्रो मुलुकलाई रुचि रहने, बहसका कारण फाइदा पुग्ने तथा अन्र्तराष्ट्रिय मन्चमा योगदान पुग्ने' विषयहरु सगरमाथा डाइलगमा केन्द्रित हुनेछन् ।

यो संवादको मञ्चमा शान्ति प्रकृया, महिला सशक्तिकरण, अति कम विकसित मुलुकका सरोकार, पहाडी मुलुकका मुद्दाहरु उठाउन सकिनेछ । 'हाम्रा सरोकारका मुद्दा र अन्तर्राष्ट्रिय सरोकार रहने विषयवस्तुमा यो मञ्चमा बहस हुनेछ,' स्रोतले भन्यो । यस्तो मञ्चका रुपमा भारतमा रायसिना डायलग प्रचलित छ ।

परराष्ट्र अधिकारीका अनुसार, कुटनीतिक वृत्तका आन्तरिक मामला वा राष्ट्रिय सरोकारका कुटनीतिक साझा मुद्दाहरुलाई बहसमा ल्याउन 'नेशनल डाइलग अन फरेन पोलिसी' पनि गठनको प्रक्रियामा छ ।