प्रधानमन्त्रीको प्रश्न- 'बालुवाटारको जग्गा अहिले हडपेको हो ?'

उनले भने, 'खुलामञ्च पहिला मासिएको थियो । अहिले त्यही खुलामञ्चलाई फिर्ता ल्याउने काम भइरहेको छ । बालुवाटारको जग्गा अहिले हडपेको हो ? बरु अहिलेको सरकारले छानविन गर्दै छ ।'

यसैगरी, उनले वाइडबडीको अनियमितता पनि यो सरकारको पालामा नभएको उल्लेख गर्दै त्यस विषयमा सरकारले छानबिन गरिरहेको बताए । उनले यो सरकारभन्दा पहिलादेखि ३८ क्विन्टल सुन तस्करी भएको जानकारी गराउँदै उनले भने, '३८ क्विन्टल सुन कहाँ गयो त्यो पहिलेका सरकारले जान्लान् । तर गइसकेपछि यो सरकारले थाहा पायो । त्यसपछि रोकियो ।'

यसैगरी प्रधानमन्त्रीले सडकमा जहाज ल्यान्ड गर्न सकिने विषयलाई मोडिएको स्पष्ट पारे । उनले आकस्मिक अवतरण गर्नु पर्ने बेलामा अवतरण गर्न मिल्ने गरी यस्ता राजमार्ग बनाउन लागिएको बताए । उनले भने, 'त्यस्ता सडकमा बाइपास हुन्छन् । जहाज आकस्मिक अवतरण गर्न लागेको देखेपछि गाडीहरुले छाडिदिन्छन् । सरकारले यस्तो कुरा पनि सोच्दो रहेछ भनेर खुसी हुनुपर्नेमा मजाक, उडाउने कुरा हो र ?'