मिजोरमबाट उद्धार गरिएका २३ महिला नेपाल फिर्ता आउँदै

उनीहरु घुमघामको बहानामा मिजोरम प्रवेश गरेका थिए । लालबहादुर नामक नेपाली भाषी एजेन्टले उनीहरुलाई मिजोरम पुर्‍याएका थिए । उनीहरुलाई वैदेशिक रोजगारीका लागि मिजोरम, बर्मा हुँदै दक्षिणपूर्वी एसियाली मुलुक लैजान लागिएको बुझिएको छ । लालबहादुरलाई पनि प्रहरीले नियन्त्रणमा लिएको छ ।

केही महिना अघि बर्मासँग सीमा जोडिएको मणिपुरको मोरेबाट १ सय ७८ जना नेपालीलाई उद्धार गरी घर फर्काइएको थियो । पछिल्लो घटनापछि मणिपुरको मोरे सीमानामा गरिएको कडाईका कारण दलालले अर्को रुट प्रयोग गरेको देखिन्छ । पूर्वोत्तर भारतका मणिपुर, मिजोरम र नागाल्याण्ड राज्यको सीमाना बर्मासँग जोडिन्छ ।

शक्ति समुह, माइती नेपाल लगायतका संस्थाहरुको पहलमा उनीहरुलाई नेपाल ल्याइँदैछ । विहीवारै उनीहरुलाई काठमाडौं लगिने र केही समय सेफ होममा राखिने जनाइएको छ ।