ल्होत्से हिमालको चुचुरो पुगे ७ नेपालीसहित १२ जना

सगरमाथा आधार शिविरबाट सर्म्पक अधिकृत ज्ञानेन्द्र श्रेष्ठले दिएको जानकारी अनुसार, उनीहरु बाटो बनाउँदै चुचुरोमा पुगेका हुन् । ल्होत्से हिमाल सगरमाथा, पाकिस्तानको केटू र कञ्चनजंघापछिको विश्वकै चौथो अग्लो हिमाल हो ।

चुचुरोमा पुग्नेमा नेपालीहरुमा दोलखा रोलवालिङका किली पेम्बा शेर्पा, तामतिङ शेर्पा तथा थामे सोलुका पेम्बा छोटे शेर्पा, आङ जाङ्बु शेर्पा र डेन्डी शेर्पा छन् । सगरमाथासँग जोडिएको ल्होत्से ८ हजार ५ सय १६ मिटर अग्लो छ ।

सम्पर्क अधिकृत श्रेष्ठका अनुसार, इम्याजिन नेपाल ट्रेक एण्ड एक्सपीडीसन कम्पनीबाट गएका एक पाकिस्तानी, दुई ग्रिस र दुई चिनियाँ र दुईजना गाइड शेर्पासहित १२ जना आरोहीले बिहान ल्होत्से आरोहण गरेका छन् ।