घूस काण्डमा परेका अख्तियारका पूर्वआयुक्त पाठक विशेष अदालतमा उपस्थित

कृष्ण ज्ञवाली

काठमाडौँ — ७८ लाखको घूस काण्डमा परेका अख्तियार दुरुपयोग अनुसन्धान आयोगका पूर्वआयुक्त राजनारायण पाठक बुधबार सुटुक्क विशेष अदालतमा उपस्थित भएका छन् ।

अहिले विशेष अदालतका अध्यक्ष बाबुराम रेग्मी तथा सदस्यहरु द्वारिकामान जोशी र प्रमोदकुमार श्रेष्ठ वैद्यको इजलासमा उनको बयान चलिरहेको छ।

बयानपछि मंगलबार नै थुनछेकको लागि सुनुवाइ हुने छ। त्यसपछि इजलासले उनलाई पुर्पक्षका लागि थुनामा राख्ने वा धरौटी माग्ने वा साधारण तारेखमा राख्न आदेश दिने छ। उनीसँगै प्रतिवादी बनाइएका लम्बोदर न्यौपाने भने हाल फरार छन्।

अख्तियार दुरुपयोग अनुसन्धान आयोगले आफ्नो पूर्वआयुक्त राजनारायण पाठकविरुद्ध घूस लिएको अभियोगमा चैत १२ मा विशेष अदालतमा भ्रष्टाचार मुद्दा दायर गरेको थियो।

यो पनि पढ्नुहोस् :


प्रकाशित : जेष्ठ १, २०७६ १२:२१
ADVERTISEMENT
प्रतिक्रिया
पठाउनुहोस्
ADVERTISEMENT

काठमाडौंको सौन्दर्य कसरी बढाउने ?

कान्तिपुर संवाददाता

काठमाडौं उपत्यकामा बढ्दो प्रदूषणमा पनि हरेक वर्ष वसन्त ऋतुको आगमनसँगै अनेकौं प्रकारका फूल फुलेको देख्न पाइन्छ  । पछिल्लो समय उपत्यकाका विभिन्न ठाउँमा ‘जकारान्डा’को फूलसँगै फोटो खिचेर सामाजिक सञ्जालमा ट्रेन्ड बढेको छ  ।

रत्नपार्क, टुँडिखेल वरिपरि, दरबारमार्ग, लाजिम्पाट, नक्साल, न्युरोड, रिंगरोड आसपास फुलेका ‘जकारान्डा’का फूलले पर्यावरण पनि हेरौं–हेरौं लाग्ने बनाएको छ । प्रदूषण सूचांक २०१९ का अनुसार विश्वका २९४ वटा प्रदूषित सहरमध्ये काठमाडौं चौथो स्थानमा रहेको छ । कुल जनसंख्याको १२ प्रतिशत जनसंख्या काठमाडौं उपत्यकामा बस्ने गर्छन् । अस्तव्यस्त सहरीकरण, बढ्दो जनसंख्या, सवारी साधनको चाप लगायतले काठमाडौंलाई छिट्टै गिराउँदैछ । तर नीति निर्माण तहमा बस्नेहरूले ब्रुमरबाट फोहोर सफा गर्दैछन् । नीति निर्माताहरूले सडकलाई हरित सडक, ठूला–साना गाडीका लागि छुट्टाछुट्टै सडक, साइकल लेनसँगै पैदल यात्रीका लागि सडक बनाउनेतर्फ ध्यान दिए जस्तो देखिन्न ।


वातावरणीय विज्ञान र प्रविधि सम्बन्धी जर्नलमा प्रकाशित एक रिपोर्ट अनुसार कंक्रिट, पिच गरिएका सडक आसपासमा मानव स्वास्थ्यलाई हानिकारक नाइट्रोजन डाइअक्साइड र अन्य विभिन्न सूक्ष्म कणहरू प्रशस्त मात्रामा हुन्छन् । हरिया बोटबिरुवा, जकारान्डा, गुलमोहर, कल्कीफूल, अशोका, विभिन्न सौन्दर्य दिने फूल, झाडी र बोटहरू लगाउनाले एकातिर सौन्दर्यता बढ्ने र अर्कोतिर मानव स्वास्थ्यलाई अनुकूल वातावरण बनाउन सहयोग पुग्ने गर्छ । त्यसैले अब सडकदेखि आसपासमा मात्र नभएर आफ्ना घर–बगैंचादेखि नै फूल र बोटबिरुवा लगाउन ढिला नगर्ने कि ?
– सन्तोष सागर, कीर्तिपुर, काठमाडौं

प्रकाशित : जेष्ठ १, २०७६ १२:११
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT