काठमाडौँ — अख्तियार दुरुपयोग अनुसन्धान आयोगकाे सञ्चार विज्ञमा पत्रकार शरद अधिकारी नियुक्त भएका छन् । आफ्नो जनसम्पर्क तथा सञ्चारलाई फराकिलो बनाउने उद्देश्यका साथ उनलाई सञ्चार विज्ञमा नियुक्त गर्ने निर्णय गरेको आयोगले जनाएको छ ।
राष्ट्रिय सुरक्षा लगायत मानवीय अभिरुचिका विषयमा अधिकारी दुई दशकदेखि पत्रकारितामा छन् । उनी यसअघि राष्ट्रिय प्रकृति संरक्षण कोषमा जनसम्पर्क अधिकृतका रुपमा कार्यरत थिए । अधिकारी पछिल्लो समय बारबरा फाउन्डेसनमा निर्देशकका रुपमा समेत कार्यरत थिए ।