भारतीय चुनावको औपचारिक नतिजा घोषणा हुनुपूर्व नै प्रधानमन्त्री ओलीले दिए मोदीलाई बधाई
काठमाडौँ — प्रधानमन्त्री केपी शर्मा ओलीले भारतको लोकसभा चुनावको औपचारिक नतिजा घोषणा हुनुपूर्व नै आफ्नो समकक्षी प्रधानमन्त्री नरेन्द्र मोदीलाई ट्वीटरमार्फत जीतको बधाई दिएका छन् ।
I extend warmest congratulations to Prime Minister @narendramodi ji for landslide election victory in the Lok Sabha Elections 2019. I wish all success ahead. I look forward to working closely with you. #PMOIndia
— K P Sharma Oli (@kpsharmaoli) May 23, 2019
बिहीबार बिहान ८ बजेबाट भारतको लोकसभाको ५४२ सीटका लागि सात चरणमा गरेर सम्पन्न भएको चुनावको मतगणना थालिएको थियो । मतगणनामा सत्तारुढ दल बिजेपी २९७ स्थानमा अगाडि देखिएको छ भने प्रतिपक्षी दल कंग्रेस जम्मा ५५ सीटमा अगाडि छ ।
बिजेपी नेतृत्वको एनडीएले ३४५ स्थानमा अग्रता कायम गरेको छ भने प्रमुख प्रतिपक्षी कंग्रेस नेतृत्वको यूपीए गठबन्धले जम्मा ९५ स्थानमा मात्रै अग्रता प्राप्त गरेको छ ।
बिहीबार बेलुकासम्ममा अधिकांश चुनावी क्षेत्रको मतगणनाको नतिजा आइसक्ने बताइएको छ ।
