इदमा राष्ट्रिय बिदा माग

इदलगायतका बिदालाई सरकारले कटौती गरी सामुदायिक बिदाका रूपमा समायोजन गरेको छ ।

आयोगका अध्यक्ष समिम मियाँ अन्सारीले प्रधानमन्त्रीलाई भेटेर विगतमा इदमा दिइँदै आएको सार्वजनिक बिदा यस वर्षदेखि कायम गराउन ध्यानाकर्षण गराइएको बताए । ओलीले आगामी मन्त्रिपरिषद् बैठकमा यसबारे छलफल गरी निर्णय लिने बताएका छन् ।

आयोगले गत चैत ११ मा इदमा सार्वजनिक बिदा घोषणा माग गर्दै गृहमन्त्री रामबहादुर थापासमक्ष ज्ञापनपत्र बुझाएको थियो ।

संविधानले धार्मिक स्वतन्त्रता एवं बहुधार्मिक र बहुसांस्कृतिक विशेषतामूलक देश घोषणा गरेको स्मरण गराउँदै आयोगले सामुदायिक पर्वका रूपमा मिलान भएका दुइटा इद र मोहम्मद जयन्तीलाई राष्ट्रिय पर्वका रूपमा घोषणा गर्न आग्रह गरेको हो ।