मोदीको शपथ ग्रहणमा भाग लिन ओली भारत प्रस्थान

परराष्ट्र मन्त्रालयका अनुसार ओली शुक्रबार नेपाल फिर्नेछन् । नयाँदिल्लीमा रहँदा ओलीले भारतका उच्चस्तरका नेता तथा अधिकारीहरूसित भेटवार्तासमेत गर्ने जानकारी परराष्ट्र स्रोतले दिएको छ ।

मोदीको अघिल्लो कार्यकालको शपथग्रहण समारोहमा तत्कालीन प्रधानमन्त्री सुशील कोइराला सहभागी भएका थिए ।

व्यापारी चाैधरीलाई पनि निम्तो

नव निर्वाचित भारतीय प्रधानमन्त्रीको सपथ ग्रहण कार्यक्रममा भाग लिनका लागि नेपाली व्यापारी तथा उद्योगी विनोद चौधरीलाई पनि औपचारिक निमन्त्रणा पठाइएको छ ।

_{फाइल तस्बिर ।}

चौधरी पनि मोदीको शपथ ग्रहणमा भाग लिनका लागि दिल्ली प्रस्थान गरेका छन् ।

सन् २०१४ मा मोदीको पहिलो प्रधानमन्त्री कार्यकालका लागि सपथ ग्रहण समारोहमा पनि चौधरीलाई निमन्त्रणा गरिएको थियो ।