दुई अध्यक्ष बीच अन्तरविरोधको मूल्य राष्ट्रले तिर्ने गरी पार्टी बन्न हुँदैन :  नेता भुसाल 

लुम्बिनी प्रेस क्लब रुपन्देहीद्वारा आइतबार भैरहवामा आयोजित अन्तर संवाद कार्यक्रममा बोल्दै सांसद भुसालले नेकपाका अध्यक्षद्वय केपी शर्मा ओली र पुष्पकमल दाहाल बीचको अन्तरविरोधको मूल्य राष्ट्रले तिर्नुपर्ने गरि पार्टी बन्न नहुने बताए ।

दुई अध्यक्ष बीच ढोका थुनेर बन्द कोठामा गरिएको सहमति र छलफल के थियो भन्ने जानकारी पार्टीमा हुनुपर्ने उनले बताए । ९५ प्रतिशत बहुमत विधिले संचालन हुनुपर्ने भए पनि पार्टी विधिमा जान नसकेकाले यसको जवाफ दुवै अध्यक्षले दिन सक्नु पर्ने उनले बताए । यसको जवाफ दिने अझ बढी दायित्व प्रधानमन्त्री तथा अध्यक्ष ओलीको भएको भुसालले बताए ।

पार्टीका दुईजना अध्यक्ष बीचको सहमति कसको पक्षमा छ भनेर खोजिनु भन्दा ठूलो कुरा विधिको भएको भनाइ उनको थियो ।

पार्टीमा नियम विधिले भन्दा केही सिमित व्यक्तिको स्वेच्छाचारी प्रवृति हावी हुने गरेको आरोप समेत उनले लगाए ।