गुठी विधेयकविरुद्ध माइतीघरमा प्रदर्शन, प्रहरीले बल प्रयोग गरेपछि केही प्रदर्शनकारी घाइते 

तस्बिर : कविन अधिकारी

काठमाडौँ — सरकारले संसद्‍मा दर्ता गराएको गुठीसम्बन्धी कानुन संशोधन गर्न बनेको विधेयकको विरुद्ध काठमाडौंको माइतीघरमा भइरहेको विरोध प्रदर्शनमा प्रहरीले प्रदर्शनकारीबीच झडप भएको छ । उक्त विरोध कार्यक्रममा काठमाडौं‌ उपत्यकामा रहेका विभिन्न प्राचिन गुठीका गुठियारहरुको सहभागिता थियो ।

प्रहरीले प्रदर्शनकारीलाई हटाउनका लागि पानीको फोहरासहितको बल प्रयोग गरेको छ। प्रहरीसँगको झडपमा परी केही प्रदर्शनकारी घाइते समेत भएका छन्।

गुठी सम्बन्धी संशोधन विधेयक जस्ताको तस्तै पारित भए धर्म, संस्कृति र सम्पदाको अस्तित्व नै मेटिन सक्ने विज्ञहरूको चेतावनी दिएका छन्। विधेयक संविधानविपरीत भएकाले खारेज गर्न उनीहरूको माग छ।

मुलुकमा देवीदेवताका नाममा ७ लाख ५६ हजार बिघा जमिन र २ हजार ६ सय गुठी छन्। परापूर्वदेखि चलिआएका ती गुठीका जग्गा हडप्ने र आफ्ना मान्छे भर्ती गर्ने नियतले सरकारले गुठीसम्बन्धी कानुन संशोधन गर्न लागेको भन्दै सरोकारवालाले आपत्ति जनाएका हुन्।

भूमि व्यवस्था, सहकारी तथा गरिबी निवारणमन्त्री पद्माकुमारी अर्यालले वैशाख १६ गते संघीय संसद्मा दर्ता गराएको विधेयकमा गुठी संस्थान खारेज गरी गुठी प्राधिकरण बनाउने व्यवस्था छ।

प्रकाशित : जेष्ठ २६, २०७६ १३:३५
प्रतिक्रिया
पठाउनुहोस्

सरुवा गरेको स्थानमा जान अटेर गरेपछि गौर नगरपालीकाका प्रमुख प्रशासकिय अधिकृत निलम्बित

शिव पुरी

रौतहट — मन्त्रालयले गौर नगरपालिकाका प्रमुख प्रशासकीय अधिकृत सुमन कार्कीलाई दुई महिनाको अवधिमा ३ स्थानमा सरुवा गरेको थियो । मन्त्रालयको सरुवा पछि नगरपालीकाले उनको थमौतीका लागी पहल गर्दै आएको थियो । पछिल्लो पटक दार्चुला सरुवा भएका कार्की गएनन् । मन्त्रालयले त्यसैलाई आधार मानेर अटेर गरेको भन्दै शुक्रबार निलम्बन गरेको हो ।


मन्त्रालयले खटाएको कार्यालयमा हाजिर हुन नगई अटेर गरेको भन्दै संघिय मामिला तथा समान्य प्रशासन मन्त्रालयले रौतहटको सदरमुकाम गौर नगरपालिकाका प्रमुख प्रशासकीय अधिकृत सुमन कार्कीलाई निलम्बन गरेको छ।

अधिकृत कार्कीलाई यही जेठ १ गते शैल्यशिखर नगरपालिका दार्चुलामा कामकाज गर्न खटाइएको थियो। त्यस पछि मन्त्रालयले ३ दिन भित्र हाजिर हुन लिखित रुपमा पत्राचार तथा मौखिक निर्देशन दिएको थियो। कार्कीले त्यसको अवज्ञा गरेको हुनाले निजामति सेवा नियमावली २०५० को नियम १२४ बमोजिम २१ दिन भित्र बरबुझारथ गरी खटाईएको कार्यालयमा नगई गौर नगरपालिकामा बसकाले निजामति सेवा ऐन अनुसार दुई महिनाका लागी निलम्बन गरेको मन्त्रालयले पठाएको पत्रमा उल्लेख छ।

निलम्बन पछि कार्कीले आईतबार बिहान जिल्ला छाडेका छन्। उनले आफू माथि अन्याय भएको बताए। ‘राम्रो काम गर्दागर्दै मन्त्रालय एक महिना भित्र ३ स्थानमा सरुवा गर्‍यो,’ उनले भने, ‘नगरपालीकाले नै राम्रो काम गरेको भनेर सरुवा रोक्न पहल गरेको हो। यसमा मेरो कुनै स्वार्थ छैन।’ उनको सरुवा पछि जेठ १७ गते नै मन्त्रालयले नगरपालिकाका आर्थिक लेखा परिक्षक सरोजकुमारलाल दासलाई निमित्त प्रमुख प्रशासकिय अधिकृत तोकेर पठाएको थियो। उनलाई हाजिर हुन नदिए पछि स्थानीयले नाराबाजी गरेका थिए।


प्रकाशित : जेष्ठ २६, २०७६ १३:२३
पूरा पढ्नुहोस्
प्रतिक्रिया
पठाउनुहोस्