त्रिवि सेवा आयोगमा तालाबन्दी
काठमाडौँ — त्रिभुवन विश्वविद्यालय सेवा आयोगले अनियमित ढंगले सञ्चालन गरेको परीक्षा खारेजीको माग गर्दै अनशनरत विद्यार्थीहरुले साेमबार आयाेगमा तालाबन्दी गरेका छन् ।
त्रिविस्थित आयोग परिसरमा ३० दिनदेखि अनशन बस्दा पनि माग सुनुवाइ नभएको विद्यार्थीले तालाबन्दी गरेका हुन ।
मोहन वैद्य नेतृत्वको नेपाल कम्युनिस्ट पार्टी क्रान्तिकारीनिकट विद्यार्थी संगठनले अनशन जारी राखेकाे थियाे । उक्त संगठनले आयाेगका पदाधिकारीलाई भित्र पस्न नदिने भन्दै मूलगेटमा तालाबन्दी गरेकाे हाे ।
उनीहरूले ‘भ्रष्ट पदाधिकारी’ लाई बर्खास्त गर्नुपर्ने र अनियमित तरिकाले लिएको परीक्षाको नतिजा रद्द गर्नुपर्ने लगायत माग राखेका छन् ।
प्रतिक्रिया