७ वर्षीया बालिकाको ३ दिन पछि उद्धार

प्रहरीका अनुसार, पानी खाने निहु पारेर बालिकाको घरमा आएका बीरवीञ्ज महानगरपालिका २७ का जयराम दास नामका व्यक्तिले ती बालिकालाई फकाएर केहीबेरमा ल्याइदिने भन्दै लगेका थिए । दास सानातिनो ठेकेदारको काम गर्ने र उनले गरेको ठेक्काको काममा बालिकाको बुबाआमाले मजदुरी गर्ने गरेकाले दास बालिकाको घरमा घुलमेल थिए ।

केहीबेरपछि छोरी नआएपछि बालिकाको बुबाआमाले फोनबाट सोधखोज गर्दा दासले आफू नवलपुरको चोरमारामा भएको र भोलिपल्ट नेपाल बन्द भएकाले ११ गतेमात्र ल्याइदिने बताएका थिए । बालिकाका अभिभावकले यसबारे प्रहरीमा जाहेरी दिएपछि प्रहरीले खनतलासी गर्दा दास बुटवलकै राजमार्ग चौराहा क्षेत्रमा भएको पत्ता लगाएको थियो ।

प्रहरीको खोजविनकै क्रममा उक्त होटेलबाट बालिकालाइ उद्धार गरिएको हो । दासपनि प्रहरी नियन्त्रणमा छन् । रुपन्देहीका एसपी हृदय थापाले बालिकामाथि कुनै नराम्रो घटना नघटेको र सुरक्षित रहेको बताए । दासले ती बालिकालाई आफ्नो साथमा लैजानु र झुठो बेल्नुको कारणबारे छानबिन जारी रहेको एसपी थापाले बताए ।