‘ग्रिनहाउस’ मा औपचारिक रुपमा सरे उपराष्ट्रपति

ग्रीनहाउसमा पाँच हप्ताअघिबाटै उपराष्ट्रपति पुनको सचिवालय बस्दै आएको थियो । असार ८ देखि कार्यालय सरेको थियो । ‘आजबाट विधिवत् रुप दिएका छौ,’ प्रवक्ता पाण्डेले बताए ।

उपराष्ट्रपति कार्यालय र आवास सर्नुअघि ‘ग्रिनहाउस’ मा समाज कल्याण परिषद्को कार्यालय थियो । भदौ २१ को मन्त्रिपरिषद् बैठकले समाज कल्याण परिषद्को भवनमा उपराष्ट्रपति कार्यालय र निवास राख्ने निर्णय गरेको थियो । त्यसपछि ४२ वर्षदेखि बस्दै आएको भवन छाडेर परिषद् पुल्चोकस्थित केन्द्रीय बालकल्याण समिति भवनमा सरेको छ । उपराष्ट्रपति पुनको कार्यालय र निवास सारिएपछि भवन र चारैतर्फका पर्खाललाई गाढा हरियो रंगले पोतेर ‘ग्रिनहाउस’ नाम दिइएको छ ।