भोजपुरमा प्रहरी र चन्द समूह कार्यकर्ताबीच भिडन्त, जिल्ला इञ्चार्जको मृत्यु

जनकराज सापकाेटा

काठमाडौँ — भोजपुरको सदरमुकाम नजिकै बुधबार बिहान ८ बजे प्रहरी र नेत्रविक्रम चन्द समूहबीच दोहोरो भिडन्त हुँदा एक कार्यकर्ताको मृत्यु भएको छ । भिडन्तमा चन्द समूहका ओखलढुंगा इञ्चार्ज निरकुमार राईको मृत्यु भएको प्रहरी प्रधान कार्यालयका एसपी रमेश थापाले जानकारी दिए । 

यस्तै उक्त घटनामाप्रहरी जवान सञ्जिव राईको छातीमा गोली लागेको छ।प्रहरी स्रोतले उनको मृत्यु भएको पुष्टि गरेपनि प्रहरीले आधिकारिक रुपमा घोषणा गरेको छैन।

प्रहरीलेचन्द समूहकोकार्यकर्ताको साथबाट एक थान लोडेड पेस्तोल समेत बरामद गरेको छ।

प्रकाशित : असार २५, २०७६ १०:१०
प्रतिक्रिया
पठाउनुहोस्

बदलिएका प्लुङ्केट र इंग्ल्यान्ड

एएफपी

बर्मिङघम — लिएम प्लुङ्केटले विश्वकपको बहुप्रतीक्षित सेमिफाइनल खेलअगाडि अस्ट्रेलियालाई चेतावनी दिँदै इंग्ल्यान्ड विगतभन्दा फरक टोली रहेको जनाएका छन् । एसेस प्रतिद्वन्द्वीहरू बिहीबार फाइनल भेटका लागि बर्मिङघममा भिड्दै छन् । साविक विजेता अस्ट्रेलिया छैटौं पटक उपाधि हत्याउने प्रयासमा छ भने इंग्ल्यान्ड पहिलो पटक उपाधि उचाल्ने आसमा छ । 

अनुभवी हिसाबमा अस्ट्रेलिया प्रतियोगिताको बलियो देखिन्छ । विश्वकपमा इंग्ल्यान्डसँग भएका पछिल्ला चार भेटमा सबैमा अस्ट्रेलिया विजयी भएको थियो । यसै प्रतियोगिताको समूह चरणमा पनि अस्ट्रेलियाले इंग्ल्यान्डलाई पराजित गरेको थियो । तर प्लुङकेट समय परिवर्तन भइसकेको मान्छन् ।

‘उनीहरूले यसअघिको भेटमा सबैमा सफलता हात पारेका छन् तर यस्तो प्रतिभाशाली खेलाडीको टोलीसँग होइन,’ प्लुङकेटले भने, ‘पछिल्ला भेटहरूभन्दा हामी धेरै फरक टोली हौं । हामीले पछिल्लो चार वर्षदेखि निकै राम्रो खेलिरहेका छौं, विश्व नम्बर एक टोली बन्यौं । त्यसमा आनन्द महसुस गर्छौं । हाम्रो दिनमा कुनै पनि टोलीलाई पराजित गर्न सकिन्छ जस्तो लाग्छ ।’

प्लुङकेट इंग्ल्यान्ड टोलीका सबैभन्दा पाका खेलाडी हुन् । सन् २००५ मा अन्तर्राष्ट्रिय क्रिकेटमा आएका उनले आफ्नो पछिल्लो विश्वकप अनुभव १२ वर्षअघि वेस्ट इन्डिजमा बटुलेका थिए । उनले इंग्ल्यान्डको एकदिवसीय टोलीमा आएको उतारचढाव देखेका छन् । उनी अहिले जस्तो लयमा यसअघि कहिले थिएनन् ।

‘हामीसँग यसअघि पनि उत्कृष्ट खेलाडी थिए तर विश्वकप जितिन्छ भन्ने कहिल्यै कल्पना आएन,’ उनले भने, ‘अहिले हाम्रो उत्साहित टोली छ । मैले यसअघि खेलेका टोलीबाट जित आस राखिन्न थियो । अहिले हामीसँग जुन टोली छ, त्यसबाट सर्वसाधारणले खेलमा विजय र शृंखला जितको आशा गर्छन् । चार वर्षपछि यो स्थितिमा आउनु निकै राम्रो हो । अब यसलाई उत्कर्षमा पुर्‍याउनुपर्छ ।’

३४ वर्षे प्लुङकेटले २०२३ मा भारतमा हुने विश्वकपमा खेल्ने सम्भावना देखिँदैन । त्यसैले अबको केही दिन उनको खेलजीवनको उच्च क्षण हुनसक्छ । ‘मलाई पनि त्यस्तै लाग्छ,’ उनले सहमति जनाउँदै भने, ‘व्यक्तिगत रूपमा भन्नुपर्दा मैले अर्को विश्वकप खेल्ने सम्भावना नै छैन, त्यसैले अहिलेको क्षण ठूलो छ ।’

प्रकाशित : असार २५, २०७६ ०९:५५
पूरा पढ्नुहोस्
प्रतिक्रिया
पठाउनुहोस्