भोजपुरमा प्रहरी र चन्द समूह कार्यकर्ताबीच भिडन्त, जिल्ला इञ्चार्जको मृत्यु
काठमाडौँ — भोजपुरको सदरमुकाम नजिकै बुधबार बिहान ८ बजे प्रहरी र नेत्रविक्रम चन्द समूहबीच दोहोरो भिडन्त हुँदा एक कार्यकर्ताको मृत्यु भएको छ । भिडन्तमा चन्द समूहका ओखलढुंगा इञ्चार्ज निरकुमार राईको मृत्यु भएको प्रहरी प्रधान कार्यालयका एसपी रमेश थापाले जानकारी दिए ।
यस्तै उक्त घटनामा प्रहरी जवान सञ्जिव राईको छातीमा गोली लागेको छ । प्रहरी स्रोतले उनको मृत्यु भएको पुष्टि गरेपनि प्रहरीले आधिकारिक रुपमा घोषणा गरेको छैन ।
प्रहरीले चन्द समूहको कार्यकर्ताको साथबाट एक थान लोडेड पेस्तोल समेत बरामद गरेको छ ।
प्रकाशित : असार २५, २०७६ १०:१०प्रतिक्रिया
