त्रिभुवन विमानस्थलमा यतिको एटीआर विमान धावनमार्गबाट चिप्लियो, २ जना घाइते [अपडेट]

जहाज चिप्लिएको स्थान गत वर्ष विमान बंगलादेश दुर्घटना भएको स्थानबाट लगभग १०० मिटर नजिको रहेको छ ।

विमानमा सवार यात्रुहरुमध्ये २ जना घाइते भएको बताइएको छ । उनीहरुलाई उद्धार गरी सिनामंगलस्थित काठमाडौं मेडिकल कलेज तथा शिक्षण अस्पताल पठाइएको छ ।

We regret to inform you that Yeti Airlines Flight Number NYT-422 (9N-AMM) was involved in a runway excursion incident at KathmanduAirport at 11:05 Am today . All 66 passengers ( 64 adult and 2 infant) and 3 Flight Crew members onboard are safe and have been evacuated.

— Yeti Airlines (@FlyYeti) July 12, 2019

विमानस्थल प्रवक्ता प्रतापबाबु तिवारीका अनुसार अहिले आपतकालिन संयन्त्रलाई सुचारु गरेर उद्धार कार्य भइरहेको छ । रनवेमा दमकल तथा एम्बुलेन्स पुगेका छन् ।

विमानस्थलका महाप्रबन्धक राजकुमार क्षत्रीले जहाजको दाइने प्रोपेलर (पंखा) मा केही क्षति पुगेको बताए ।

निरन्तरत वर्षा भइरहेकाले जहाजलाई निकाल्न ग्राहो भइरहेको छ । उनले जहाज चिप्लिँदा सवार यात्रुमध्ये एकजना बिरामी रहेको र थप दुईजना यात्रु घाइते हुन पुगेको जानकारी दिए । उनीहरुलाई एम्बुलेन्समा केएमसी लगिएको र हाल अवस्था सामन्य भएको एयरलाइन्सले आफूलाई जनाकारी दिएको क्षत्रीले बताए ।

विमान चिप्लिएसँगै अहिले अन्तर्राष्ट्रिय विमानस्थल बन्द गरिएको छ । जसका कारण हालसम्म ९ वटा अन्तर्राष्ट्रिय विमानको अवतरण स्थगन गरिएको छ भने । उडान भर्नुपर्ने १० विमानको उडान पनि स्थगित भएको छ ।

तस्बिर: अंगद ढकाल