बाढीले दुईको मृत्यु एक वेपत्ता, सदरमुकाम गौर अझै डुबानमा   

शिव पुरी

रौतहट — लगातारको वर्षाका कारण आएको बाढीमा परी गौर ३ टिकुलियाका शिवमंगल राउत पटेल र ईशनाथ  १ बन्जरहाका हरेन्द्र राय यादवको शनिबार साझ मृत्यु भएको छ । बाढीले बगाएर दुवैको मृत्यु भएको हो । एक बेपत्ता छन् ।

घरबाट बाहिर निस्कदै गर्दा बगाएर दुवैको मृत्यु भएको प्रहरीले बताएको छ । यस्तै दुर्गा भगवती गाउपालीका ४ का विरेन्द्र मिश्र बाढीमा परेर बेपत्ता छन् । मिश्रको खोजीकार्य भईरहेको जिल्ला प्रहरीले जनायो । लगातारको वर्षा पछि जिल्लामा सर्पको बिगबिगी बढेको छ । शनिबार रातिसम्म चन्द्रनिगाहपुर क्षेत्रमा १५ जनालाई सर्पले डसेको छ । उनिहरुलाई उपचारका लागी सरकारी अस्पतालमा ल्याईएको छ ।

वर्षाले जमिन डुबानमा परे पछि सर्प घरमा पसेको थियो । स्थानिय प्रशासनले सर्पबाट सचेत रहन आग्रह गरेको छ ।

यता लगातारको वर्षा पछि डुबानमा परेको सदरमुकाम गौरको जनजीवन आईतबार पनि कष्टकर बनेको छ । डुबान केही कम भए पनि मानिसहरु बाहिर निस्कन सक्ने अवस्था छैन् । सुरक्षाकर्मीले एकतल्ला घरमा फसेका झण्डै सय परिवारलाई उद्धार गरेको छ ।

गौर क्षेत्रमा डुबानमा फसेकाहरुलाई नेपाल प्रहरी, सशस्त्र र नेपाली सेनाले डुंगाको मद्धतले उद्धार गरेका थिए । उनिहरु दिनभर डुंगामा यताउता गरिरहे । जिल्ला प्रहरी प्रमुख एसपी भूपेन्द्र खत्रीले डुंगाको माध्यमबाट उद्धारकार्य जारी राखेको बताए ।

‘डुबानमा फसेकाहरुलाई उद्धार गरेका हौं,’ उनले भने, ‘जहाँ बढी डुबान र फसेकाहरु छन् उनिहरुलाई सुरक्षित स्थानमा लगेका छौं ।’ अपरान्ह सशस्त्र प्रहरीको २ नम्बर प्रदेश प्रमुख डिआईजी राजु अर्यालले थप २ वटा रबर बोट र सशस्त्र प्रहरीको तालीम प्राप्त उद्धार टोल गौर पठाएका थिए । नेपाल प्रहरीको पनि उद्धार टोली खटेको छ ।

वर्षाले राजमार्ग डुबानमा पारे पछि सदरमुकाम गौर चल्ने सबारी बन्द भएको छ । शनिबार बिहान देखी कुनै पनि सवारी गौर जान सकेको छैन् । सदरमुकाम नै डुबानमा परे पछि यातायात बन्द भएको हो ।

जिल्लाभरी डुबान
अविरल वर्षाको कारण ईशनाथ १ बन्जरहास्थीत लालबकैया खोलाको बाँध फुटे पछि पसेको पानीले बन्रहा गाउँ र राजपुर ९ बैरिया गाउँका २४ घर डुबानमा परी क्षती भएको जिल्ला प्रहरीले जनायो । डुबानमा परेकाहरुलाई सुरक्षाकर्मिले सुरक्षित स्थानमा उद्धार गरेको थियो ।

यस्तै दुर्गाभगवती गाउँपालीका ५ बडहर्वा स्थित बागमती नदी र झाझ खोलाको पानी पसेर १९ घर डुबानमा पारेको छ । उक्त घर परिबारलाई सुरक्षित ठाउँमा सारीएको एसपि खत्रीले जनाए ।

गढीमाई ३ लक्ष्मीपुर गाउँमा बागमती नदी बाधको केही भागबाट पानी पसेर ५ वटा घर डुवानमा परेका छ । जिल्लाको हरसाह देखी दक्षिणभेगका अधिकाश गाउँडुबानमा पारेको छ । डुबानबाट भएको क्षति यकिन हुन सकेको छैन् ।

प्रजिअ थापाले क्षतिको बिवरण लिन कठिन भएको बताए । अधिकाश गाउँको दलित बस्ती डुबानमा पारेको छ । उनिहरु नजिकको बिद्यालयमा शरण लिईरहेका छन् ।

प्रकाशित : असार २९, २०७६ ०९:०३
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

सिद्धार्थ राजमार्ग अझै सुचारु भएन 

माधव अर्याल

पाल्पा — शनिबार दिउँसो सुख्खा पहिरो खसेर अवरुद्ध भएको सिद्धार्थ राजमार्ग आज (आइतबार) बिहानसम्म सुचारु हुन सकेको छैन । शनिबार दिउँसो ३ बजेतिर ढुंगा सहितको पहिरो खस्दा एक मोटरसाइकल र त्यसका चालकलाई पहिरोले बगाएको थियो । 

राजमार्ग अन्तगर्त पाल्पाको तिनाउ गाउँपालिका वडा नम्बर ३, हेडबक्स नजिकै सुख्खा पहिरोले बगाएर निस्दी गाउँपालिका ४, मित्याल पाल्पाका ३१ वर्षीय घनबहादुर सुनारी मगरको मृत्यु भएको प्रहरी उपरीक्षक दीपेन्द्र जीसीले बताए । लु ५० प ४६७१ नम्बरको मोटरसाईकलमा बुटवलबाट पाल्पाको निस्दी फर्किदै गरेका सुनारीलाई ढुंगा सहितको सुख्खा पहिरोले बगाएको हो । मृतक सुनारी मित्याल गोरखनाथ आधारभूत विद्यालय, भीरपानीका राहत शिक्षक हुन् ।

मोटरसाइकल र चालक तिनाउ खोलाको तीर नजिकै पुगेका थिए । हिजो दिउँसोदेखि अलपत्र परेका यात्रुलाई हिड्ने बाटो बनाएर गन्तव्यमा पठाएपनि ठूला ढुंगा भएकाले पन्छाउन समस्या भएको थियो । त्यस क्षेत्रमा सयौं सवारी साधन अलपत्र छन् । राती दोभान, सिद्धबाबा क्षेत्रमा पानी परेकाले पनि थप समस्या भएको दोभान प्रहरी चौकीका प्रमुख बालबहादुर घर्तीमगरले बताए ।

ब्रेकर, डोजर, स्काभेटर परिचालन गरेर एकतर्फि यातायात सुचारु गर्न पहल भइरहेको छ । सडक डिभिजन कार्यालयका प्रमुख केदार नेपालले सकेसम्म छिटो राजमार्ग सुचारु गर्ने गरी काम भइरहेको जनाए ।



प्रकाशित : असार २९, २०७६ ०८:३५
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT