मौसम पूर्वानुमान भरपर्दो बनाउन निर्देशन

कान्तिपुर संवाददाता

काठमाडौँ — ऊर्जा, जलस्रोत तथा सिँचाइमन्त्री वर्षमान पुनले मौसम पूर्वानुमानको सूचना छिटो र भरपर्दो ढंगले जनस्तरसम्म पुर्‍याउन निर्देशन दिएका छन् । उनले आइतबार दिउँसो जल तथा मौसम पूर्वानुमान महाशाखा निरीक्षण गरी पूर्वानुमानको सूचनालाई विश्वासिलो बनाउन निर्देशन दिए ।

मन्त्री पुनले महाशाखाको नवनिर्मित भवनमा रहेको मौसम पूर्वानुमान कन्ट्रोल कक्ष अवलोकन गरेका थिए ।

उनले पूर्वानुमान महाशाखालाई अत्याधुनिक प्रविधिसहित विश्वासिलो र भरपर्दो बनाउन सरकारका तर्फबाट सहयोग गर्ने प्रतिबद्धता पनि व्यक्त गरेका थिए ।

उनले आमजनतामा पूर्वानुमान महाशाखाले दिने मौसमसम्बन्धी सूचना भरपर्दो नहुने भन्ने मानसिकता रहेकाले सचेत भई काम गर्नसमेत निर्देशन दिए ।

प्रकाशित : असार २९, २०७६ २०:२०
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

राष्ट्रपतिद्वारा उद्धार र राहतमा जुट्न आह्वान

कान्तिपुर संवाददाता

काठमाडौँ — राष्ट्रपति विद्यादेवी भण्डारीले अविरल वर्षाका कारण मुलुकका विभिन्न भागमा आएको बाढीपहिरो र डुबानबाट जनधनको ठुलो क्षति भएकोप्रति दुःख प्रकट गर्दै शोकसन्तप्त परिवारमा सहानुभूति सहित समवेदना व्यक्त गरेकी छन् ।

राष्ट्रपतिले आइतबार विज्ञप्ति जारी गरी प्राकृतिक विपद्को दुःखद घडीमा पीडितहरूको उद्धार, घाइतेहरूको उपचार, राहत वितरण र बेपत्ता भएकाको खोजीमा राज्यका सम्पूर्ण संयन्त्रलाई परिचालन गर्न सरकारलाई आग्रह गरेकी छन् ।

उनले उद्धार तथा राहत कार्यमा राज्यका सबै सम्बद्ध निकायहरूको ध्यान पुग्ने विश्वाससमेत व्यक्त गरेकी छन् । उनले सम्पूर्ण राजनीतिक दल, सामाजिक संघसंस्था र समुदायलाई आवश्यक समन्वय तथा सहकार्यसहित पीडितहरूको उद्धार तथा राहत कार्यमा संलग्न हुन आह्वान गरेकी छन् ।

उनले भविष्यमा आइपर्ने यस प्रकारका प्राकृतिक प्रकोपबाट बच्न आवश्यक पर्ने सावधानी अपनाउन आमजनता र सम्बद्ध सबैको ध्यानाकर्षण गराएकी छन् ।

प्रकाशित : असार २९, २०७६ २०:११
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT