खहरेले बगाएर बेपत्ता आमाछाेरीकाे शव भेटियाे (अपडेट)
हेटाैंडा — मकवानपुरको इन्द्रसराेवर गाउँपालिका–१ तौमासमा खहरे खोलाले घर बगाउँदा बेपत्ता भएका आमा र छाेरीकाे शव फेला परेकाे छ ।
आइतबार राति खाेलाले घर बगाउँदा ४० वर्षीया कान्छीमाया बलामी र उनकी १७ वर्षीया छोरी बबिता बेपत्ता भएका थिए । साेमबार बिहान उनीहरुकाे शव घटनास्थलबाट ५० मिटर तल पुरिएकाे अवस्थामा भेटिएकाे हाे ।
राति घरमै सुतिरहेका उनीहरुलाई वर्षासँगै आएकाे खहरेले बगाएको थियाे । घरमै सुतेका मध्ये एकजना भाग्न सफल भएका थिए ।
याेसँगै मकवानपुरमा बाढीपहिराेबाट मृत्यु हुनेकाे संख्या पाँच पुगेकाे छ ।
प्रकाशित : असार ३०, २०७६ १०:५३प्रतिक्रिया