युवा सम्मेलन काठमाडौंमा सुरु

कान्तिपुर संवाददाता

काठमाडौँ — राष्ट्रसंघको ‘सगरमाथा अन्तर्राष्ट्रिय सम्मेलन’ सोमबार काठमाडौंमा सुरु भएको छ । अमेरिका र राष्ट्रसंघले संयुक्त आयोजना गरेको सम्मेलनमा युवाले अन्तर्राष्ट्रिय मुद्दाबारे बहस गर्नेछन् । 

अमेरिकाले अघि सार्दै आएको ‘इन्डो प्यासिफिक स्ट्राटेजी’ अन्तर्गत टर्कीदेखि किर्जिस्तानसम्मका २० देशका २ सय युवाले राष्ट्रसंघीय ढाँचाअनुसार पाँच दिनसम्म विभिन्न सत्रमा छलफल गर्नेछन् ।

अमेरिकी राजदूत र्‍यान्डी बेरी, राष्ट्रसंघीय आवासीय संयोजक भ्यालरी जुलिएन्ड र परराष्ट्र मन्त्रालयका प्रवक्ता भरतराज पौडेलले सम्मेलनको उद्घाटन गरेका हुन् ।

प्रकाशित : असार ३०, २०७६ २१:२०
ADVERTISEMENT
ADVERTISEMENT
प्रतिक्रिया
पठाउनुहोस्

प्रशासकीय प्रमुखलाई कार्यालय नछाड्न आदेश

कान्तिपुर संवाददाता

काठमाडौँ — संघीय मामिला तथा सामान्य प्रशासन मन्त्रालयले ७ सय ५३ वटै स्थानीय तहका प्रमुख प्रशासकीय अधिकृतलाई चौबिसै घण्टा कार्यालयमा बस्न निर्देशन दिएको छ ।

वर्षातको समयमा बाढीपहिरो र डुबानबाट प्रभावितको तत्काल उद्धार र राहतका लागि काम गर्नुपर्ने भएकाले कार्यालय छाडेर कतै नजान मन्त्रालयले सोमबार निर्देशन दिएको हो ।

विपदको समयमा कतिपय प्रमुख प्रशासकीय अधिकृत कार्यालयमा उपस्थित नभएका कारण स्थानीय तहबाट उद्धार र राहतको काममा बाधा परेको गुनासो आएको उल्लेख गर्दै मन्त्रालयले प्रमुख प्रशासकीय अधिकृतलाई कार्यालयमै बसेर राहत र उद्धारमा सहयोग गर्न लिखित निर्देशन दिएको हो ।

प्रकाशित : असार ३०, २०७६ २१:०८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT