घर फिर्न थाले विस्थापित

वडा ७ का विस्थापित ५६ परिवार मंगलबार घर फर्किएको वडा प्रमुख मधुबाबु तिवारीले जानकारी दिए । उनीहरू स्थानीय गायत्री संस्कृत विद्यालयमा बसेका थिए । त्यसैगरी वडा नम्बर ८ का पीडित परिवार पनि घरतर्फ लागेको वडाध्यक्ष निश्चल अर्यालले बताए ।

महानगर १ को विजयपुर, पाथीभरा मन्दिरको धर्मशाला, शान्तिचोक र नयाँ बस्तीमा राखिएका १ सय २५ विस्थापित परिवार पनि मंगलबार घरतर्फ लागेको वडा प्रमुख उद्धव अर्यालको भनाइ छ ।

केही परिवार भने फर्किन नसकेको महानगर प्रमुख भीम पराजुलीले बताए । सुरक्षित स्थलमा राखिएका परिवारलाई महानगरले खानाको व्यवस्था गरेको छ । पानी रोकिएको अवस्थामा बुधबारसम्म विस्थापित घर फर्किसक्ने उनको भनाइ छ ।