लोकसेवाको विज्ञापन खारेजीको माग गर्दै प्रदर्शन

कान्तिपुर संवाददाता

काठमाडौँ — लोकसेवा आयोगले स्थानीय तहमा रिक्त कर्मचारी पदपूर्तिका लागि गरेको विज्ञापन खारेजीको माग गर्दै मंगलबार राजधानीको माइतीघर मण्डलमा प्रदर्शन गरिएको छ । आरक्षण बचाऔं आन्दोलनअन्तर्गत भएको प्रदर्शनमा संघीय मामिला तथा सामान्य प्रशासनमन्त्री लालबाबु पण्डितको राजीनामा माग्दै नाराबाजीसमेत गरिएको थियो । 

संविधानको समानुपातिक र समावेशी सिद्धान्तविपरीत विज्ञापन गरिएको भन्दै प्रदर्शनमा महिला, दलित, जनजाति, मुस्लिम लगायतका समुदाय सहभागी भएका थिए ।

प्रदर्शनका क्रममा ‘सीमान्तकृत समुदायको अधिकार सुनिश्चित गर’, ‘लोकसेवा आयोगलाई बाहुन सेवा आयोग बनाउन पाइँदैन’ लगायतका प्लेकार्ड बोकेका थिए । उनीहरूले संघीय मामिलामन्त्री पण्डितले समावेशी सिद्धान्तको खिल्ली उडाएको भन्दै राजीनामा मागेका थिए ।

प्रकाशित : असार ३१, २०७६ २०:२८
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

पाकिस्तानी हवाई आकाश खुला 

एएफपी

कराची — पाकिस्तानले मंगलबार सबै प्रकारका नागरिक उडानका लागि आफ्नो देशको हवाई क्षेत्र पुनः खुला गरेको छ । पाकिस्तान र भारतबीच केही महिनायता उत्पन्न तनावपछि पाकिस्तानले भारतसमेत सबै मुलुकका विमानका लागि पाकिस्तानी आकाशमा प्रतिबन्ध लगाएको थियो । पाकिस्तानी निर्णयका कारण भारतीय वायुसेवा कम्पनीहरूलाई आर्थिक भार थपिएको थियो । 

पाकिस्तानी नागरिक उड्ययन प्राधिकरण (सीएए) ले सबै प्रकारका गैरसैनिक उडानका लागि मंगलबारदेखि पाकिस्तानी हवाई क्षेत्र खुला गरिएको जनाएको हो । सीएए प्रवक्ताले भारतसँग सीमा जोडिएको पूर्वी सीमावर्ती क्षेत्रमा पनि हवाई क्षेत्र खुला गरिएको जनाए ।

गत फेब्रुअरीमा दुई देशका हवाई सेनाबीच आक्रमण तथा जवाफी कारबाहीपछि पाकिस्तानले आफ्नो हवाई क्षेत्रमा विदेशी विमान उड्न प्रतिबन्ध लगाएको थियो । तीमध्ये केही प्रतिबन्धहरू पाकिस्तानले गत मार्चमा नै फिर्ता लिएको भए पनि भारतसँगको तनाव मत्थर नभएका कारण पूर्वी क्षेत्रमा प्रतिबन्ध फुकुवा गरेको थिएन ।

पाकिस्तानी कदमका कारण सबैभन्दा बढी आर्थिक भार भारतीय वायुसेवा कम्पनी एअर इन्डियाले बेहोरेको जनाइएको छ । प्रतिबन्धका कारण भारतका एअर इन्डिया, इन्डिगो, स्पाइस जेट र गो एअरको करिब ८ करोड अमेरिकी डलर गुमेको जनाइएको छ ।

प्रकाशित : असार ३१, २०७६ २०:२५
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT