(अपडेट) बल्खु र कालीमाटी तरकारी बजारका १९ व्यापारीलाई जरिवाना

शुक्रबार बिहान अनुगमनमा गएको विभागको टोलीले बल्खु तरकारी र फलफूल बजारका ११ व्यापारीलाई ५ देखि २० हजारसम्म जरिवाना गरेको हो ।

एक व्यापारीले लिएको तरकारी भित्रकै अर्को पसलमा बेच्दा ४०–५० रुपैंया नाफा राखेर बेचेको पाइए पछि कारवाही गरिएको वाणिज्य आपूर्ति तथा उपभोक्ता संरक्षण विभागका निर्देशक शोभाकर रेग्मीले बताए ।

यसैगरी कालीमाटीस्थित तरकारी बजारमा पनि अनुगमन भइरहेको छ । विभागका शाखा अधिकृत दिपक पोखरेलको संयोजकत्वमा रहेको टोलीले अहिलेसम्म ८ वटा पसललाई कारवाही गरेको छ ।

अनुगमनस्थलमै होलसेल व्यापारीलाई कारवाही गरेको यो पहिलो पटक हो ।