गुल्मीको छापचौरमा पहिरोले घर पुरियो, एकको मृत्यु, पाँच घाइते
पाल्पा — गुल्मीको कालीगण्डकी गाउँपालिका–७ छापचौरमा पहिरोले घर बगाउँदा एकजनाको मृत्यु भएको छ । पुरिएर पाँच जना घाइते छन् ।
शनिबार रातिको वर्षाले छापचौरका विष्णु परियारको घर पहिरोले बगाउँदा १३ वर्षीय चुन्ने परियारको ज्यान गएको हो । पहिरोले पुरिएर सोही परिवारका पाँच घाइते भएका छन् ।
घटनास्थलमा पुर्तिघाट र भुर्तुङ प्रहरी चौकीबाट उद्धार टोली खटिएको जिल्ला प्रहरी प्रमुख एसपी दिपककुमार बस्नेतले बताए । थप मद्दतका लागि जिल्ला प्रहरीबाट नायब उपरीक्षक मीनबहादुर घलेको नेतृत्वमा टोली गएको छ ।
प्रकाशित : श्रावण १२, २०७६ ०७:४०