चार केजी सुनसहित अन्तर्राष्ट्रिय विमानस्थलबाट एक चिनियाँ पक्राउ

जनकराज सापकोटा

काठमाडौँ — त्रिभुवन अन्तर्राष्ट्रिय विमानस्थलमा ४ केजी अवैध सुनसहित २३ वर्षीय चिनियाँ नागरिक ली निङ ज पक्राउ परेका छन् ।

आइतबार राति हङकङबाट १०:५० बजे काठमाडौं ओर्लिएका लीको साथमा रहेको ब्याग भित्र कपडाको बेल्टमा एक केजी तौलका चारवटा सुनको बिस्कुट लुकाएर राखिएको अवस्थामा विमानस्थल भन्सारले पक्राउ गरेको हो ।

विमानस्थल भन्सारका प्रमुख गजेन्द्र ठाकुरका अनुसार परिक्षणमा उक्त सुन सक्कली नै रहेको पुष्टि भएपछि चिनियाँ नागरिकलाई थप अनुशन्धानका लागिप्रहरी हिरासतमा पठाइएको छ ।

प्रकाशित : श्रावण २०, २०७६ १०:२६
ADVERTISEMENT
प्रतिक्रिया
पठाउनुहोस्
ADVERTISEMENT

ठूलीभेरीले तीन घर बगायो, ८ अझै जोखिममा 

हरि गौतम

रुकुम पश्चिम — निरन्तरको वर्षापछि ठूलीभेरी नदीले बस्ती कटान थालेको छ । आठबीसकोट नगरपालिका–६ मनकाबगरका ३ घर बगेका छन् भने ८ घर नदीको उच्च जोखिममा छन् । 

स्थानीय पत्रे बोहरा र भीमबहादुर थापाको घर बगाइसकेको छ भने अर्को एउटा घर आधा भन्दा बढी भत्केको छ । घर बगेपछि उनीहरुलाई आफन्तकोमा सारिएको प्रहरीले जनाएको छ ।

यस क्षेत्रमा हरेक दिन निरन्तर पानी परिरहेको छ । शनिबार २ घर बगाएको र आइतबार एक घर भत्काएको हो । उक्त बस्तीका अन्य ८ घर उच्च जोखिममा छन् । घर जोखिममा परेपछि स्थानीयलाई अन्यत्र सार्ने तयारी भइरहेको जिल्ला प्रहरी प्रमुख प्रहरी नायब उपरीक्षक सुमित खड्काले बताए ।

अघिल्लो वर्ष ठूलीभेरीले सोही नगरपालिका–४ का आधा दर्जन बढी घर बगाएको थियो । जाजरकोट–सडक खण्ड निर्माणको क्रममा झरेका ढुङ्गा र माटोका कारण ठूलीभेरीले बहाब परिवर्तन गरेर बस्ती कटान गर्न थालेको नगरपालिकाले जनाएको छ ।
अघिल्लो वर्ष कटान गरिएको क्षेत्रमा संघीय, प्रदेश र आठबीसकोट सरकारले झण्डै २ करोड बराबरको तारजाली लगाएको थियो । आठबीसकोट नगरपालिका प्रमुख गोर्खबहादुर केसीले अघिल्लो वर्षको तुलनामा हालसम्म कम क्षति भएको बताए ।

अब पनि बाढी पहिरोबाट क्षति कम गर्न सबैतिर तयारी अवस्थामा रहेको भनाई नगरप्रमुख केसीको छ । ‘थप क्षति नहोस् र जोखिममा रहेका बस्तीलाई जोगाउनका लागि हामी तयारै छौं,’ नगरप्रमुख केसीले भने, ‘नगरपालिकाका साथै नगर प्रहरी, जनपथ लगायतको सुरक्षाकर्मी पनि तयारी अवस्थामा रहेको छन् ।’

आपतकालीन अवस्थाका लागि नगरपालिकामा एक हजार थान जाली र खाद्यान्न सामग्री तयारी अवस्थामा राखिएको छ । ६, ४, १२, १३ र ११ वडामा पहिरोको बढी जोखिम बढेको छ । केही दिन अघि १३ नम्बर वडामा एक महिलाको पहिरोले बगाएर मृत्यु भएको थियो भने केही घर बगेका थियाे ।

प्रकाशित : श्रावण २०, २०७६ १०:१७
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT