चावहिल-चुच्चेपाटी सडक निर्माण सम्पन्न गर्न माग गर्दै स्थानीयको विरोध, यातायात अवरुद्ध

कान्तिपुर संवाददाता

काठमाडौँ — चावहिल-चुच्चेपाटीका स्थानीयले सो सडक केही समय अघि देखि अवरुद्ध पारेका छन् । समयमा नै बिस्तार गरिएको सडक तथा ढल निर्माणको काम नसकाएको भनेर स्थानीयले सडक अवरुद्ध गरेका हुन् ।

महानगरीय प्रहरी वृत्त बौद्धका प्रमुख डिएसपी नरेन्द्र चन्दका अनुसार बिहान १० बजे डेढ-दुई सय स्थानीय जम्मा भएर सडकमा नाराबाजी गरिरहेका छन्। उनीहरुले समयमा काम नसकाउने ठेकदारलाई कारबाहीको माग गर्दै नाराबाजी गरिरहेका छन्।

प्रकाशित : श्रावण २१, २०७६ १०:३७
प्रतिक्रिया
पठाउनुहोस्
ADVERTISEMENT

रुद्राक्षको दानालाई राम्रो आकार दिन लगाइएको प्लाष्टिक क्लिप प्रहरीले हटायो 

एलिसा श्रेष्ठ

भोजपुर — षडानन्द नगरपालिकामा ठेकेदारले रुद्राक्षको दाना राम्रो बनाउनका लागि लगाएको प्लाष्टिकको क्लिप प्रहरीले हटाएको छ । किसानबाट ठेकेदारले बगान खरिद गरेर आफुखुसी नगरपालिकाको विभिन्न ठाउँमा रुद्राक्षमा लगाएको क्लिप प्रहरीले हटाएको हो । 

रुद्राक्षमा क्लिप राखेर दाना अप्राकृतिक बनाएको भन्दै गृह मन्त्रालयबाट निर्देशन आएपछि क्लिप हटाएको जिल्ला प्रहरी कार्यालय भोजपुरका इन्सपेक्टर पाण्डवकुमार राजवंशीले जानकारी दिए ।

षडानन्द नगरपालिका–६ केउरेनीपानी र साल्मा क्षेत्रको रुदाक्षको बोटमा लगाइएको क्लिप हटाइएको जिल्ला प्रहरी कार्यालय भोजपुरका इन्सपेक्टर राजवंशीले जानकारी दिए ।

प्रहरीले केउरनेपानीका पीताम्बर लम्सालको बगानमा लगाइएको १ सय ६ वटा र साल्माका ज्ञानेन्द्र बस्नेतको बगानमा लगाइएको २ सय २५ वटा क्लिप हटाएको हो । कृषकहरूबाट नेपाली व्यवसायीले बोटमै ठेक्का लिएर आफू खुसी क्लिप लगाएर आकार परिवर्तन गरेकाले गृहमन्त्रालयको निर्देशन अनुसार क्लीप हटाइएको प्रहरीले जनाएको छ ।

षडानन्द नगरपालिका–६ केउरेनीपानीमा रुद्राक्षको दाना राम्रो बनाउनका लागि लगाएको प्लाष्टिकको क्लिप हटाउँदै प्रहरी लगायत स्थानिय । तस्बिर /एलिसा श्रेष्ठ

चिनियाँ व्यापारीले प्लास्टिक क्लिपको सहायतामा रुद्राक्षको दानालाई गोलो, अन्डा र थेप्चो आकारमा आवश्यकता अनुसार बनाउने गरे पनि अप्राकृतिक रुद्राक्षले अन्तर्राष्ट्रिय बजारमा पार्ने असरका बारेमा भने कृषक अझै अनविज्ञ रहेका छन् ।

रुद्राक्षको अप्राकृतिक आकार र रूपले विश्व बजारमा नेपाली गुणस्तर र छवि बिग्रने भएकाले गृहको निर्देशन अनुसार क्लिप हटाइएको प्रहरीले बताएको छ ।

प्रकाशित : श्रावण २१, २०७६ १०:१५
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT