वन अधिकृतसहित चारविरुद्ध मुद्दा

कान्तिपुर संवाददाता

काठमाडौँ — अख्तियार दुरुपयोग अनुसन्धान आयोगले रुकुमका सहायक वन अधिकृत विनोदप्रसाद कानुसहित चार जनाविरुद्ध मंगलबार विशेष अदालतमा भ्रष्टाचार मुद्दा दायर गरेको छ । कानुले तीन जना सप्लायर्ससँगको मिलेमतोमा नक्कली इजाजतपत्र बनाएर जिल्लाभित्रका जडीबुटीको चोरी निकासी गराई भ्रष्टाचार गरेको पुष्टि भएकाले उनीहविरुद्ध मुद्दा दायर गरिएको अख्तियारले जनाएको छ ।

कानुले जिल्ला वन अधिकृत नभएको मौका पारी जडीबुटी निकासीमा ६ लाख १४ हजार ७ सय ३० रुपैयाँ बराबरको भ्रष्टाचार गरेको अख्तियारले उल्लेख गरेको छ । अख्तियारले कानुका अतिरिक्त नक्कली इजाजतपत्र बनाएर राज्यलाई कर छलेको अभियोगमा दुर्गाद्वीप इन्टरप्राइजेज, काठमाडौंका प्रोप्राइटर दुर्गाबहादुर खडका, दीपक जडीबुटी सप्लायर्स एन्ड ट्रेडर्स सुर्खेतका प्रोप्राइटर मानबहादुर वली र नेपाल हर्बल प्रोसेसिङ प्लान्ट, बाँकेका प्रोप्राइटर लालबहादुर वलीविरुद्ध मुद्दा दायर गरेको हो ।

चारै जनालाई ६ लाख १४ हजार ७ सय ३० रुपैयाँ बराबरको बिगो कायम गरी जरिवाना र जेल सजाय गर्न मागदाबी अख्तियारले गरेको छ ।

प्रकाशित : श्रावण २१, २०७६ २०:४८
ADVERTISEMENT
प्रतिक्रिया
पठाउनुहोस्

संसद्‌मा कांग्रेसले सोध्यो, ‘नेकपा किन सरकारी जग्गामा ?’ [भिडियोसहित]

कान्तिपुर संवाददाता

काठमाडौँ — प्रमुख प्रतिपक्षी कांग्रेसले सत्तारूढ दल नेकपाको केन्द्रीय कार्यालय कानुनविपरीत धुम्बाराहीस्थित सार्वजनिक जग्गामा बसेको सम्बन्धमा यथार्थ जानकारी दिन माग गरेको छ ।

कांग्रेस सचेतकमा पुष्पा भुसाल ।

मंगलबार बसेको प्रतिनिधिसभा बैठकमा कांग्रेस संसदीय दलकी प्रमुख सचेतक पुष्पा भुसालले सरकारी जग्गा भोगाधिकारसम्बन्धी कार्यनीति उल्लंघन गर्दै नेकपाकै पार्टी कार्यालय सरकारी जग्गामा बसेको प्रश्न उठेको उल्लेख गर्दै त्यसबारे वास्तविकता मागेकी हुन्।
सत्तापक्षलाई चैन अरूलाई ऐन भन्ने दृष्टान्त देखिएको उनको भनाइ थियो। सरकारी जग्गामा बस्न छाडेर कानुनको सम्मान गरी सत्तारूढ पार्टीको प्रतिष्ठा जोगाउने प्रयास थाल्न उनले नेकपालाई सुझाइन्।
भोगाधिकार पाएको पासाङ ल्हामु पर्वतारोहण प्रतिष्ठानले ३ रोपनी ७ आना २ पैसा सरकारी जग्गामा नेकपा पार्टी कार्यालय सञ्चालन गर्न दिएको समाचार कान्तिपुरमार्फत सार्वजनिक भएपछि कांग्रेसले सदनमा यस्तो माग गरेको हो। नेकपाले प्रतिष्ठानलाई मासिक २ लाख ५० हजार भाडा तिरिरहेको छ।
यो पनि पढ्नुहोस्:

प्रकाशित : श्रावण २१, २०७६ २०:३०
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT