संवैधानिक इजलासमा थप ६ न्यायाधीश
काठमाडौँ — न्यायपरिषद्ले सर्वोच्च अदालतको संवैधानिक इजलासका लागि थप ६ जना न्यायाधीशहरुको नाम सिफारिस गरेको छ । मंगलबारको न्यायपरिषद बैठकले यसअघि ५ जनामात्रै तोकिएको इजलासमा थप ६ जनाको नाम सिफारिस गरेको हो ।
परिषदको सिफारिसमा बनेको सूचीबाट सर्वोच्च अदालतको संवैधानिक इजलासको गठन हुनेछ । संवैधानिक इजलासमा ५ जना सदस्यहरु हुन्छन् ।
सिफारिस भएका थप न्यायाधीशमा विश्वम्भर श्रेष्ठ, इश्वर खतिवडा, डा. आनन्दमोहन भट्टराई, अनिलकुमार सिन्हा, प्रकाशमानसिंह राउत र सपना प्रधान मल्ल छन् ।
यसअघि प्रधानन्याायधीश चोलेन्द्रशम्सेर जबरासहित दीपककुमार कार्की, केदार चालिसे, मिरा खड्का र हरिकृष्ण कार्की मात्रै संवैधानिक इजलासमा थिए । अव भने प्रधानन्यायाधीशलाई न्यायाधीश छानेर संवैधानिक इजलास गठन गर्ने बाटो खुलेको छ ।
नेपालको संविधानको धारा १३७ मा सर्वोच्च अदालतमा संवैधानिक इजलास रहने व्यवस्था छ ।
प्रकाशित : श्रावण ३०, २०७६ ०७:५५
