२८.१२°C काठमाडौं
नेकपा संसदीय दलको बैठक बस्दै
काठमाडौँ — प्रमुख सत्तारुढ दल नेकपा संसदीय दलको शुक्रबार बैठक बस्दै छ । दलको बैठक दिउँसो २ बजे नयाँ बानेश्वरमा बस्ने उपनेता सुवासचन्द्र नेम्वाङले जानकारी दिए ।
उनका अनुसार अपराह्न ४ बजेबाट सुरु हुने संघीय संसदको हिउँदे अधिवेशनमा कसरी प्रस्तुत हुने भन्ने विषयमा सांसदहरुलाई जानकारी गराइने छ ।
नेकपामा संसदकाे एउटा अधिवेशन अन्त्य भएपछि अर्काे बैठक सुरु हुनु अगाडि दलकाे बैठक बस्ने परम्परा रहेकाले त्यसैअनुरुप बैठक बस्न लागेकाे नेम्वाङले बताए । अन्य कुनै एजेन्डामा छलफल नहुने उनकाे भनाइ छ ।
प्रकाशित : पुस ४, २०७६ १२:२१प्रतिक्रिया
