राष्ट्रियसभा निर्वाचन : ११ दलले दिए दर्ताका लागि आयाेगमा निवेदन

आयोगले दल दर्ताका लागि दिएको मंसिर २७ देखि पुस ६ गतेसम्मको समयमा तोकेको प्रक्रिया पुर्‍याएर ११ दलले निवेदन दिएका प्रवक्ता गिरिजा शर्माले जानकारी दिइन ।

आयोगका अनुसार दर्ताका लागि निवेदन दिनेमा नेकपा, कांग्रेस, समाजवादी पार्टी, राजपा, राप्रपा, राप्रपा (संयुक्त) छन् । त्यस्तै नेपाली जनता दल, इतिहासिक प्रजातान्त्रिक जनता पार्टी, नेमकिपा, राष्ट्रिय जनमोर्चा, नेपाल संघीय समाजवादी पार्टीले पनि दर्ताका लागि निवेदन दिएका छन् ।

आयोगले संविधानको धारा २६९ तथा राजनीतिक दल सम्बन्धी ऐन, २०७३ को दफा ४ बमोजिम आयोगमा दर्ता कायम रहेका दलहरुलाई संविधानको धारा २७१ तथा राजनीतिक दल सम्बन्धी ऐन, २०७३ को दफा ४८ बमोजिम दर्ताको लागि समय तोकेको थियो ।