पूर्वगोर्खा सैनिकले भर्ती रोक्ने

वार्ताका लागि समिति गठन गर्न नेपाल र बेलायतका दुवै सरकारलाई अल्टिमेटम दिए पनि सुनुवाइ नभएको भन्दै संघर्ष समितिले नयाँ भर्ती रोक्ने निर्णय गरेको हो ।

बेलायत सरकारले आउने साता पोखरामा गोर्खा रेजिमेन्टका लागि नेपाली युवालाई भर्ती गर्दै छ । ‘माग पूरा नभएपछि भर्ती अभियानलाई रोक्ने निर्णयमा पुगेका हौं,’ संघर्ष समितिका प्रमुख संयोजक कृष्णबहादुर राईले भने । समान पेन्सन नदिएको भन्दै पूर्वगोर्खाले बेलायत सरकारविरुद्ध आन्दोलन गर्दै आएका छन् ।