हिउँ पर्यो चन्द्रागिरीमा
काठमाडौँ — उपत्यका आसपासका पहाडमा शनिबार हिउँ परेको छ । पश्चिमी वायुको प्रभावले चिसो बढेसँगै काठमाडौं उपत्यका आसपासका पहाडहरुमा हिउँ परेको हाे । चन्द्रगिरी डाँडामा हिउँ परेपछि हिउँ खेल्न जानेको संख्या बढेको छ ।
हिउँ खेल्न बालबालिका, युवायुवतीका साथै विदेशी पर्यटकहरुको समेत भीड लागेको छ । चन्द्रागिरीमा हिउँ खेल्न पुगेका साङहाङ लावतीले बिदाको दिन रिफ्रेसमेन्ट र बच्चाहरुका लागि राम्रो ठाउँ भएको बताए । तीन पटक चन्द्रागिरी पुगेको बताउने लावतीले पहिलेभन्दा शनिबार निकै भीड बढेको बताए ।
चन्द्रागिरीमा हिउँ परेपछि हिउँ खेल्न जानेहरुको भिड निकै बढेको चन्द्रागिरी पुगेको हिल्सका म्यानेजर अभिषेकविक्रम शाहले बताए । शुक्रबारबाट पश्चिमी वायुका कारण चिसो बढ्दै गएपछि उपत्यकामा पानी परेसँगै चन्द्रागिरी, फूलचोकी र शिवपुरी लगायतका डाँडामा हिउँ परेको हो ।
प्रकाशित : पुस १९, २०७६ २०:०७प्रतिक्रिया
