क्याप्सुल बनाइ पेटभित्र राखेर हिराको तस्करी गर्ने विमानस्थलबाट पक्राउ

मलेसियाबाट आएको नेपाल एयरलायन्सको आरए ०४१६ विमानका यात्रु भारतीय नागरिक मोहम्मद माइदिन सत्थालीलाई प्रहरीले पेटभित्र क्याप्सुल बनाएर हिरा तस्करी गरेको आरोपमा पक्राउ गरेको हो ।

विमानस्थलमा तैनाथ प्रहरीले सत्थालीलाई चेक गर्दा शंकास्पद गतिविधि देखाएपछि उनीमाथि शंका गरिएको थियो । शंका लागेपछि प्रहरीले उनलाई सिनामंगलस्थित कान्तिपुर मेडिकल कलेजमा लगेर चेक गराएको थियो । मेडिकल टेस्ट गराउँदा सत्थालीले क्याप्सुल बनाएर पेटभित्र २ सय ग्राम हिरा राखेको देखिएको थियो ।

यस्तै, प्रहरीले सारजाहबाट आएको जी९०५९ विमानका यात्रु भारतीय नागरिक कोत्ताकुथ किजाकेइथिल नौसादको साथबाट ५ सय ग्राम सुन पनि बरामद गरेको छ । प्रहरीले उनीहरुमाथि अनुसन्धान गरिरहेको छ ।