२८.१२°C काठमाडौं
अख्तियारद्वारा एकैदिन ७ जनाविरुद्ध मुद्दा दायर
काठमाडौँ — अख्तियार दुरुपयोग अनुसन्धान आयोगले पदको दुरुपयोग तथा प्रहरी निरीक्षकलाई नै घुस दिएर भ्रष्टाचार गरेको अभियोगमा ७ जनाविरुद्ध बुधबार विशेष अदालत, काठमाडौँमा मुद्दा दायर गरेको छ ।
आयोगले सप्तरीको महादेवा गाउँपालिका–६ का वडासचिव नवोनाथ मिश्र, जिल्ला प्रहरी कार्यालय बाराका प्रहरी जवान सरोजकुमार यादव, कर्णाली प्राविधिक शिक्षालयमा कृषि प्रशिक्षण सहायक चन्द्रसिंह खत्री, उनका सहयोगीद्वय टङ्कप्रसाद चौलागाईं र गङ्गाराज शाही तथा स्याङ्जा वालिङ नगरपालिका–८ का चौपाया व्यापारी जहरुदिन तेलीविरुद्ध अदालतमा मुद्दा दायर गरेको हो ।
तत्कालीन वडा सचिव मिश्रलाई दुई लाख रुपैयाँ सेवाग्राहीसँग घुस लिएको, प्रहरी जवान यादवले घरेलु मदिरा बिक्री वितरणमा सहजीकरण गरिदिन रु १५ हजार असुलेको, खत्री, चौलागाईं र शाहीले उत्तर पुस्तिका परिवर्तनका साथै परीक्षाको गोपनीयता भङ्ग गरेका तथा तेलीले गोरु व्यापारमा सघाउन प्रहरी निरीक्षकलाई घुसबापत रु १५ हजार उपलब्ध गराएको आरोप छ ।
अख्तियारले घुसबापत दिए लिएको बिगो रकम जफत हुनुपर्ने माग दाबीसहित आरोपपत्र दायर आयोगले जनाएको छ ।
प्रकाशित : पुस २३, २०७६ १९:०६
