राष्ट्रिय सभा सदस्य उपाध्यायको निधन

लुम्बिनी सांस्कृतिक नगरपालिका–१० मैलवाटमा रहेको निवासमा उनको निधन भएको हो । ५० वर्षीय उपाध्यायको श्रीमती ३ छोरा र २ छोरी छन् । उपाध्यायको शुक्रबार नै अन्तिम संस्कार गर्ने तयारी भइरहेको रुपन्देही कांग्रेस नेता सञ्जिव बस्यालले जानकारी दिए ।

उपाध्याय प्रदेश नं ५ मा कांग्रेसका तर्फबाट अन्य समूहमा राष्ट्रिय सभामा निर्वाचित भएका थिए । उपाध्यायको राष्ट्रिय सभाको दुई वर्षे कार्यकाल यही फागुन २१ गते सकिँदै थियो । उनी यसअघि कांग्रेस रुपन्देही ५ का क्षेत्रीय सभापति पनि थिए ।

उपाध्यायको निधनप्रति कांग्रेसका सभापति शेरबहादुर देउवाले दुःख व्यक्त गरेका छन् । उनको निधनले पार्टीलाई अपूरणीय क्षति पुगेको देउवाले जारी गरेको विज्ञप्तीमा उल्लेख छ ।