कोरोना विरुद्धको लडाइँ चुनौतीपूर्ण र लामो छ : प्रधानमन्त्री
काठमाडौँ — प्रधानमन्त्री केपी शर्मा ओलीले कोरोना भाइरस (कोभिड १९) विरुद्धको लडाइँ निकै चुनौतीपूर्ण र लामो छ भन्नेमा सरकार सचेत रहेको बताएका छन् ।
सोमबार साँझ राष्ट्रका नाममा सम्बोधन गर्दै प्रधानमन्त्री ओलीले विश्वका कतिपय मुलुकको तुलनामा कोरोना नियन्त्रणको तयारीमा नेपालमा प्रभावकारी भए पनि चुनौती अझै रहेको बताएका हुन् । 'विश्वका कतिपय मुलुकका तुलनामा महामारी नियन्त्रणको तयारीमा नेपालको प्रभावकारी छ तर त्यो ढुक्क भएर बस्ने स्थितिमा छैन', प्रधानमन्त्री ओलीले भने, 'कोरोनाविरुद्धको लडाइँ निकै चुनौतीपूर्ण र लामो छ भन्नेमा सरकार सचेत छ ।'
महामारी नियन्त्रणमा प्रारम्भिक दिनमा केही अलमल देखिए तापनि हालसम्म लिएका कदमहरु सफल रहेको उनको दाबी थियो । बेलैमा गरिएको लकडाउनले जनजीवन असहज बनाए पनि सामाजिक दूरी कायम गर्न, केसहरु पहिचान गर्न आइसोलेसनमा राख्न, संक्रमित व्यक्ति पत्ता लगाउन
मद्दत पुर्याएको उनले बताए । नेपालमा समयमै गरिएको लकडाउन, अन्तर्राष्ट्रिय उडान बन्द र समयमै तय गरिएको अस्तापल सञ्चालन कार्यविधिको तर्जुमा र तयारीले महामारीबाट हुने डरलाग्दो क्षतिबाट जोगाएको उल्लेख गरे ।
संक्रमित ६ नाघेकोले अब सरकार सबै अंगहरु चुस्त र प्रभावकारी बनाउन पर्ने आवश्यकता रहेको प्रधानमन्त्रीले बताए ।