थप १३३ जनामा कोरोना संक्रमण पुष्टि
काठमाडौँ — मुलुकमा थप १३३ जनामा कोरोना संक्रमण पुष्टि भएको छ । मन्त्रालयको शुक्रबारको नियमित कोभिड १९ प्रेस ब्रिफिङमा प्रवक्ता डा जागेश्वर गौतमले पछिल्लो २४ घन्टामा १३३ जना संक्रमित थपिएको जानकारी दिएका हुन् ।
नेपालमा संक्रमितको संख्या १८ हजार ३७४ पुगेको छ ।
सोही अवधिमा १०७ जना डिस्चार्ज भएको प्रवक्ता गौतमले बताए । यो समेत कोरोना निको भएर घर फर्किनेको संख्या १२ हजार ९४७ पुगेको छ । ७०.५ प्रतिशत निको भएको छ ।
गएको २४ घन्टामा ३ हजार ९८७ आरटी पीसीआर परीक्षण गरिएको छ । मन्त्रालयको तथ्यांकअनुसार क्वारेन्टाइनमा १९ हजार ४४४ जना र आइसोलेसनमा ५ हजार ३८३ जना रहेका छन् ।
थप १ को मृत्यु
प्रवक्ता गौतमले कोरोनाबाट थप १ जनाको मृत्यु भएको पुष्टि गरेका छन् । उनका अनुसार पर्सा वीरगन्ज महानगरपालिका ११ श्रीपुर रानीघाटका ८५ वर्षीय महिलाको शुक्रबार बिहान ९:४५ नारायणी अस्पतालमा उपचारका क्रममा निधन भएको हो । उनी मुटुसम्बन्धी बिरामी र निमोनियाबाट ग्रसित थिइन् । यो सँगै नेपालमा कोरोनाबाट मृत्यु हुनेको संख्या ४४ पुगेको छ ।
नयाँ संक्रमितको जिल्लागत विवरण
- काठमाडौं १०
- कास्की ५
- लमजुङ ३
- बागलुङ १
- तनहुँ १
- बाँके २
- बर्दिया २
- दाङ ४
- नवलपरासी पूर्व ४
- रुपन्देही ४
- जाजरकोट १
- कालीकोट २
- दैलेख ८
- कैलाली ८
- धनकुटा १
- सुनसरी ५
- झापा २५
- मोरङ १
- सप्तरी ७
- मोरङ १
- बारा १
- सर्लाही २
- पर्सा ३०
- धनुषा १
- पर्सा १
- चितवन २
- उदयपुर १