प्रधानन्यायाधीशको स्वास्थ्य अवस्था सामान्य छ : चिकित्सक
काठमाडौँ — कोभिड निमोनिया देखिएपछि सशस्त्र प्रहरी अस्पताल, बलम्बुमा सोमबार साँझदेखि भर्ना भएका प्रधानन्यायाधीश चोलेन्द्र शमशेर जबराको स्वास्थ्य अवस्था सामान्य रहेको चिकित्सकले बताएका छन् ।
अस्पतालका चिकित्सक डा. प्रविण नेपालका अनुसार प्रधानन्यायाधीश जबरालाई कोभिड निमोनिया देखिएको छ । 'सम्माननीयज्यूको स्वास्थ्य अवस्था अहिले सामान्य छ,' उनले भने, 'हामीले कोभिड प्रोटोकल अनुसारका औषधि सुरु गरेका छौं ।'
प्रधानन्यायाधीश जबरालाई सोमबार संक्रमण पुष्टि भएको थियो । आइतबार प्रधानन्यायाधीश जबराका एक जना पारिवारिक सदस्यलाई संक्रमण देखिएपछि कन्ट्याक्ट ट्रेसिङमा परेका राणाले सोमबार दिउँसो स्वाब परीक्षण गराएका थिए ।
त्यसको केही घण्टापछि उनको रिपोर्ट कोभिड पोजिटिभ आएको थियो ।
प्रकाशित : मंसिर १४, २०७८ १३:१२प्रतिक्रिया