४४ लिटर रक्तचन्दनको तेलसहित २ पक्राउ

प्रति लिटर ५ लाख रुपैयाँका दरले रक्तचन्दनको तेल अवैध कारोबार भई राखेको सूचनाको आधारमा बुधबार महानगरीय अपराध महाशाखाले उनीहरुलाई पक्राउ गरेको हो । उनीहरुलाई आवश्यक कारबाहीको लागि रक्तचन्दनको तेलसहित डिभिजन वन कार्यालय हात्तीसार पठाइएको महाशाखाका प्रवक्ता एसपी कृष्णप्रसाद पंगेनीले बताए ।

रक्तचन्दनको तेल भारतबाट नेपालगञ्ज हुँदै नेपाल भित्र्याई चीनतर्फ तस्करी गर्ने गरेको अनुसन्धानमा खुलेको महाशाखाले जनाएको छ ।

महाशाखाले नै गतसाता काठमाडौं महानगर–८ तिलगंगाबाट ३३ लिटर रक्तचन्दनको तेलसहित १० जनालाई पक्राउ गरेको थियो ।