नेपालका १९ जिल्लामा ५ सयभन्दा बढी सक्रिय संक्रमित
काठमाडौँ — देशभरका १९ जिल्लामा सक्रिय संक्रमितको संख्या ५ सय नाघेको छ । स्वास्थ्य तथा जनसंख्या मन्त्रालयले हाल काठमाडौं, ललितपुर, भक्तपुरलगायत १९ जिल्लामा सक्रिय संक्रमितको संख्या ५ सयभन्दा बढी रहेको जानकारी दिएको हो ।
त्यस्तै दुई सयभन्दा बढी संक्रमित रहेका जिल्लामा पर्सा, बारा, महोत्तरी, सलार्ही, सिरहा, धादिङ, सिन्धुपाल्चोक, सिन्धुली, दोलखा, गोरखा, स्याङ्जा, बागलुङ, पाल्पा, गुल्मी, बर्दिया, सुर्खेत र कञ्चनपुर छन् । नेपालमा हाल कुनै पनि जिल्लामा शून्य संक्रमित नरहेको मन्त्रालयले जनाएको छ ।
उपत्यकाका तीन जिल्लामध्ये हाल काठमाडौंमा ३८ हजार ८५९, ललितपुर १० हजार ३९० र भक्तपुरमा पाँच हजार ६१४ सक्रिय संक्रमित रहेको मन्त्रालयले उल्लेख गरेको छ ।
यसैगरी देशभर सक्रिय संक्रमितको संख्या ९० हजार ५७६ पुगेको छ । हाल भेन्टिलेटरमा ४९ र आईसीयूमा २५७ संक्रमित रहेको मन्त्रालयले जनाएको छ । होम आइसोलेसनमा ८८ हजार ६४२, संस्थागत आइसोलेसनमा एक हजार ९३४ र क्वारेन्टिनमा १४९ जना रहेका छन् ।
यी हुन् ५०० भन्दा बढी सक्रिय संक्रमित हुने जिल्लाहरु
- मोरङ
- सुनसरी
- झापा
- धनुषा
- सप्तरी
- काठमाडौं
- ललितपुर
- भक्तपुर
- चितवन
- मकवानपुर
- काभ्रेपलाञ्चोक
- नुवाकोट
- कास्की
- नवलपरासी पूर्व
- तनहुँ
- बाँके
- रुपन्देही
- दाङ
- कैलाली
यो पनि
प्रकाशित : माघ १३, २०७८ १७:३३