काठमाडौँ — प्रधानमन्त्री शेरबहादुर देउवाले प्रधानमन्त्री भएको एक वर्षपछि आफ्नो परराष्ट्र मामिला सल्लाहकार नियुक्त गरेका छन् ।
मन्त्रिपरिषद्को बिहीबार बसेको बैठकले जलस्रोत विज्ञको रुपमा समेत चिनिएका लेखक अरुणकुमार सुवेदीलाई प्रधानमन्त्रीको परराष्ट्र मामिला सल्लाहकार नियुक्त गरेको हो ।
विभिन्न परियोजनामा संलग्न रहेर काम गरेका सुवेदी कांग्रेसको राजनीतिमा भने सक्रिय थिएनन् ।