गंगालालका चिकित्सकको नागरिकताको उमेर ४० वर्ष बनाइदेऊ सरकार : भट्टराई

प्रतिनिधिसभाको आइतबारको बैठकमा भट्टराईले उक्त चिकित्सकको नागरिकता खिचेर उमेर घटाई ४० वर्ष पुगेको नगारिकता बनाउन भन्दै सरकारप्रति व्यंग्य गरे । 'हालै गंगालाल अस्पतालमा एक जना चिकित्सकको भोलि २३ गते समयावधि सकिँदै थियो, ६० वर्षको उमेरहदले । प्रधानमन्त्रीको निर्देशनमा हिजो मात्रै शनिबारको दिन स्वास्थ्यमन्त्रीको अध्यक्षतामा बैठक बसेर अवकाशको उमेर हद ६३ वर्ष रहने गरी नियमावली संशोधन भएको छ । म यो सरकारलाई सोध्न चाहन्छु, यो एक कुर्सी छ ४ जना डिफ्याक्टो प्रधानमन्त्री भएको बहादुर सरकार छ । उसले चाह्यो भने ६३ वर्ष गराइदिन सक्छ; चाह्यो भने ८० वर्ष गराइदिन सक्छ,' उनले भने, 'म यो सरकारलाई भन्न चाहन्छु- यति बलियो र बहादुर सरकार, त्यो चिकित्सकको नागरिकता खिचेर ४० वर्षको नगारिकता बनाइदिउँ । त्यसो भयो भने उहाँले अर्को २० वर्ष जागिर खान पाउनुहुन्छ ।'

स्वास्थ्यमन्त्री भवानीप्रसाद खापुङको अध्यक्षतामा बसेको सञ्चालक समितिको बैठकले अवकाशको उमेरहद ६३ वर्ष पुर्‍याउने निर्णय गरेको थियो ।

• प्रधानमन्त्रीनिकट चिकित्सकको स्वार्थमा स्वास्थ्यमन्त्रीले बढाए उमेर हद