सिर्जना सिंह भन्छिन् : स्थानीय तहमा जस्तो गठबन्धन नगरौँ
काठमाडौँ — काठमाडौं महानगरपालिकाकी मेयर पदकी उम्मेदवार कांग्रेस नेता सिर्जना सिंहले आगामी निर्वाचनमा गठबन्धन नगर्नु राम्रो हुने बताएकी छिन् ।
कांग्रेसका पूर्वमहामन्त्री प्रकाशमान सिंहकी पत्नीसमेत रहेकी उनले बुधबार सामाजिक सञ्जालमार्फत् आउँदै गरेको संसदीय चुनावमा दलहरुले आ-आफ्नै पार्टी र चुनाव चिन्हबाट गठबन्धन नगरी उम्मेदवारी दिनु उपयुक्त हुने बताएकी हुन् ।
सत्ता गठबन्धनको नेतृत्वमा रहेको दल नेपाली कांग्रेसले यसअघि केन्द्रीय समिति बैठकबाटै गठबन्धन गरेर चुनावमा जाने निर्णय गरिसकेको छ भने नेता प्रकाशमान सिंह गठबन्धनबाटै उम्मेदवार बन्ने दौडधुपमा छन् । तर काठमाडौं महानगरपालिकाको मेयरमा गठबन्धनबाटै उम्मेदवार बनेकी सिर्जनाले भने फरक धारणा राखेकी हुन् ।
'राजनीतिक कुरा गर्न मन लाग्यो, आउँदै गरेको संसदीय चुनावमा आ-आफ्नो पार्टी आफ्नै चूनाव चिन्ह र गठबन्धन नगरी सबैले आ-आफ्ना उम्मेदवार उठाऔँ । बरू बहुमत नआए गठवन्धन गर्दा हुन्छ,' उनले ट्विटरमा लेखेकी छिन्, 'स्थानीय चुनावमा देखेको भोगेको गठबन्धनले अन्यौल र अस्तव्यस्तबाहेक केही गर्दैन ।'
प्रकाशित : श्रावण २५, २०७९ १२:३८राजनितीक कुरा गर्न मन लाग्यो ..आउदा गरेको संसदीय चूनावमा आफ्आफ्नो पार्टि आफ्नै चूनाव चिन्ह र गठबन्धन नगरी सबैले आफ्आफ्ना उम्मेदवार उठाउने बरू बहुमत नआए गठवन्धन गर्दा हुन्छ।स्थानिय चूनावमा देखेको भोगेको गठवन्धनले अन्यौल र अस्तव्यस्त बाहेक केहि गर्दैन #सुझाव #नेपालीकांग्रेस
— Sirjana Singh (@Sirjana_Singh) August 10, 2022