विश्कै सेक्सी डिजे काठमाडौंमा
काठमाडौं — विश्कै सेक्सी डिजेसँग अँग्रेजी नया वर्ष मनाउन चहानेका लागि खुसीको खबर । सन् २०१२ को विदाई र भोलिदेखि सुरु हुने नयाँ वर्षको स्वागतका लागि राजधानीमा जर्मनीबाट आइपुगेकी छन् विश्वकै सेक्सी डिजे मारी फरारी ।
विश्वकै सेक्सी डिजेसँग अँग्रेजी नया वर्ष मनाउन चहानेका लागि खुसीको खबर । सन् २०१२ को विदाई र भोलिदेखि सुरु हुने नयाँ वर्षको स्वागतका लागि राजधानीमा जर्मनीबाट आइपुगेकी छन् विश्वकै सेक्सी डिजे मारी फरारी ।अँग्रेजी नयाँ वर्षको पुर्वसन्ध्यामा कुनै योजना नभएकाहरु लागि वा उत्सव मनाउनेहरुका लागि आज रातिदेखि भोलि विहानसम्म ह्यात होटलमा भव्य कार्यक्रम हुँदैछ । 'सगरमाथाको देशका युवायुवतीहरुसँग नयाँ वर्ष मनाउदै छु,' उनले आफ्नो फेसबुक पेजमा लेखेकी छन् । अंग्रेजी नया वर्ष धुमधाम पार्टीमा रमाउन योजना बुनिरहेकाहरुका डिजे प्रेमीका लागि आयोजक ओडिसी इन्टरटेनमेन्टले ४ हजार ९ सय ९९ रुपैयाँको डिनरसहितको टिकट राखेको छ ।
जमर्नबाट दोहा हुँदै आइतबार साँझ काठमाडौं ओर्लिएकी उनलाई भारतबाट आएका डिजे हरसीतले पनि साथ दिँदैछन् । दरबारमार्गको ओडिसीले ह्यात होटलको बल रुमलाई डिस्को थेग बनाएको छ । जहाँ युरोपबाटै ल्याइएका डान्सरहरु पनि हुनेछन् ।
'यो नेपालमा हालसम्म नभएको न्यूएयरइभ हुनेछ,' आयोजक ओडीसीका प्रमुख सीमान्त गुरुङले भने । यसअघि क्यानेडेली रक गायक ब्रायन एड्म्स, डेनिस पप ब्यान्ड एमएलटीआर र भर्खरै पाकिस्तानी गायक आतिफ आश्लमलाई नेपालमा ल्याइसकेका उनले आज हुने कार्यक्रममा १ हजार दर्शकको अपेक्षा गरेको बताए ।
युरोप र अमेरिकाका चर्चित क्लबमा हाउस म्युजिक विधामा डिजेइङ गरेकी मारीसँग फेसन टीभी, प्लेर्वाई म्यागजिन, युरोभिजन, फरमुला वान (दुबई) लगायतका विशेष कार्यक्रम डिजेइङ गरेको अनुभव छ ।
२००७ देखि डिजेइङ सुरु गरेकी उनले विश्वका चर्चित क्लब र समुद्रि किनारमा हुने फेस्टिभलमा पनि डिजेइङ गरेकी छन् ।
प्रकाशित : पुस १६, २०६९ १७:३१